小慈都意識到問題所在, 於是佢提出瞓窗台! 下? 窗台咁窄, 要小龍女先瞓到, 小慈女會碌落地喎! 咁啦, 用窗台張墊褥舖地下瞓啦! 但冇被喎, 雙人房我地唔敢要求 reception 羅多張被怕穿煲..... 就係呢個時候, 爸爸發揮佢醒目仔本色, 話張被夠大, 打橫一半俾弟弟瞓, 一半吊落地下俾小慈蓋住... 真係 work 呀! 爸爸好厲害!!
等左 6 日, 今日係弟弟最心急既一日, 因為我地終於去動物園喇!!!!! ^^
愛動物既弟弟舊年 5 歲生日許願話要去動物園, 佢話佢好鍾意獅子老虎大笨象但只係見過圖片同國家地理野生頻道, 未見過真既動物! 好想快 D 去睇, 好怕呢 D 動物會被人殺晒絕種就冇得睇..... 講到咁可憐, 聽到佢呀媽我心都傷晒, 於是今次親子團特別爭取去新加坡動物園!!
食飽飽先有力行動物園, 估唔到呢度有 KFC, 一早食葡達做早餐都係第一次咋~
YEAH!!! Singapore Zoo~~
我地約埋熙熙同琛仔一齊玩, 爭取時間, 樂園 8:30am 開門我地就殺入去!
新加坡動物園有白老虎
沿路行入去已經好開心, 大笨象入面有貓, 弟弟差 D 想搬佢返屋企
勁多大笨象呀!
要保護動物
小慈家姐, 第一站我地去邊呀? 梗係去探弟弟最愛最愛既大笨象啦!
努力向前行, 就到架喇!!
呢度既 Direction sign 好有特色呀
有大笨象表演
不過我地去睇 D 特別既野, 裝人沖涼.....
哈哈! 係睇大笨象沖涼呀!
我地仲準備請佢食早餐添
係就快 D 餵我啦! 我伸到鼻都長喇......
弟弟好勇敢呀!
分一條俾小慈家姐餵, 5 條好快餵完! 爭取時間去下一站
Bye Bye Elephant
估唔到新加坡動物園好大呢, 設計完善, 行幾步就有一款動物睇, 仲要成個動物園都唔會用鐵籠困住 D 動物, 而佢地又唔偷走, 真係好神奇呀!
呢度有 4 不像
侏儒河馬
迷你袋鼠
佢地係可以跳到後面幅圖咁高架
斑馬同牛牛一齊生活
犀牛
勁 cute 既 Meerkat 呀!
好靚既蜘蛛網
就係佢喇! 白老虎
一睇佢地咁既樣就知見到邊個啦
馬騮都有好多款
大鼻馬騮?
獅子王入面都見過佢架
Flamingo 都有
最驚喜係呢度竟然有北極熊!!
咁熱.... 佢究竟點樣係呢度生存呢? 仲有佢個樣怪怪地, D 毛中間好似生青苔咁既?
可能係 D 水好凍掛...? 隻北極熊仲識表演添架! 識請請同揮手
有北極熊既動物園點少得企鵝先
著住獅子衫, 梗係要去探獅子啦! 佢呢左係草叢度呀
另外呢隻獅子睇得清楚 D, 仲識望鏡頭添
是日重點節目之一 -- 餵長頸鹿!!!
之前已經俾左心理準備弟弟, 長頸鹿好大隻架, 塊面大過你個人呀, 條脷好長仲黑色添架, 你驚就唔好餵喇....
於是, 勇敢的小明出現了!!
仲好公平咁一隻長頸鹿食一條, 一人一次, 餵完左邊個隻就餵右邊個隻
小慈話: "佢條脷原來係藍色唔係黑色架!"
好野! 終於睇晒小明想睇既動物喇, 還佢心願
我地去左 Cat Zone, 呢隻花豹瞓左唯有影佢官方靚仔相
呢隻山獅好瘦, 可能好細個
隻地鼠個樣好攪笑
石頭青蛙
弟弟真係扮得好似
原先諗住涼冷氣, 去左蝴蝶園睇蝴蝶. 一隻蝴蝶都唔見, 跑左隻小動物出黎
跟蹤佢時, 見到有個叔叔羅住個桶, 入面咁多生果唔通係餵飼時間? 真係呀, 佢一放低個桶, 所有動物走晒埋黎呀! 包括蝙蝠, 飛天鴨, 大量雀仔, 仲有呢堆間條尾唔知叫咩名既動物
自己揀左想食既生果就行開食, 完全唔驚人, 近到只要我一伸手就可以摸到佢
樹懶係要餵既, 治理員將一串生果鈎係樹枝上, 樹懶就會自己埋去食, 睇住佢食到合埋眼真係好過癮 >v<
好感謝天父俾我地驚喜! 好開心咁近距離接觸咁多動物呀!
Check in 完先有時間食午餐, 呢間 ruyi 如意, 好好味呀!
今次旅程行程緊密, 真係冇時間買手信, 唯有係機場買新加坡非常出名既斑蘭蛋糕同鳳梨酥啦
仲有小朋友見到會好開心既迷你的塔糖
返香港了!
好唔捨得新加坡, 弟弟個樣想喊咁.....
都帶左新加坡返屋企架, 多左呢幾位朋友仔一齊上機! 任佢地買禮物, 小慈小明都依然係會買公仔, 話佢地真係好可愛喎
睇咩呀?
好似搬緊我地 D 行李呀
準備起機, 兩姐弟不約而同做同一個動作
同心愛既動物綁好安全帶 ^^
坐定定, 食碗麵
有伴, 又有得玩 iPAD, 時間好快過
話咁快已經返到香港
爭住羅行李
開心既時間過得特別快! 真係好想繼續留係新加坡呀!
今敞旅程真係好開心, 6 日去左 2 個主題樂園, 2 個水上樂園, 1 個花園, 1 個水族館仲有 1 個動物園, 真係好豐富, 好岩玩, 簡直係為小朋友度身訂做, 真係好開心!!
多謝金牌導遊 Bessy 姨姨細心編排行程 ^8^ 多謝金牌領隊 Shirley 姨姨特別照顧我地一家人, 幫我地訂機票酒店! 錫晒你地, 辛苦晒!!!!
沒有留言:
張貼留言