幼稚園的最後一天

堂堂男子, 應該將重任當...... 依?!  好似唱錯歌...... 其實我係想表達今日係郭恩明小朋友最後一日返幼稚園, 升上小一唔再係 BB, Young Man 要 man D 呀!!  為隆重其事, 媽媽專登放一日假送弟弟返學 ^^

小明最鍾意我湊返學, 因為一定會請佢食薯餅!  呢間萬寧同弟弟同年同月同日出世, 梗係要影番張相啦  :)

弟弟朝朝搭火車都會取一份報紙預備新聞分享功課, 咁就認識左派報紙既姨姨, 姨姨叫弟弟做「明明」, 新年仲派利是俾佢添!  弟弟既社交能力超強, 相識遍天下!!

火車到站, 一定會要求我行樓梯落大堂

仲發現一條神秘通道返學校

到喇~~~~

入課室前先要酒精磋手, 量體溫及換鞋

K3 哥哥係用對腳除鞋既

入鞋袋呢個動作要到 K3 先做得清脆俐落, 以前成日都俾個網 KICK 住要求救架

話咁快就放學, last day, 大包小包行李執返屋企

每日都係 Miss Cheung 叫小朋友名放學, 佢望一望來者就識得叫名, 全校 100 個小朋友屬於邊個家長 / 婆婆 / 公公 / 爺爺 / 叔叔 / 工人姐姐....... 佢都知道, 真係好犀利!!

領取畢業證書

仲有派發最後一次既幼稚園成績表!  原來弟弟鍾意係學校砌 puzzle, 80 塊都識砌仲砌得好快!  小朋友真係估你唔到, 佢細個超唔鍾意砌圖, 個盒都未打開就唔想玩, 果然話變就變

班主任鄭老師俾既評語好好, 話恩明係佢地最唔擔心升小一會有問題既學生, 「細仔」呢個框框唔會影響到佢, 語言能力高, 記性好, 生活經驗豐富既恩明佢地好放心咁話  ^^

承你貴言呀, 老師!!  聽到你地咁講做父母既當然好開心!  小明仔, 你要努力呀!!

非常唔捨得, 再見喇, 沙田幼兒學校!  願天父上帝的慈愛常與你們同在, 願平安恩惠天天加給你, 喜樂恩典圍繞你!!  祝福學校!