1 2 3 跳
間酒店真係好得意好靚! 呢個美好印象相信會令小慈小明記住好多年吧 ^^
早餐竟然有楊桃食小明勁開心! 食完先驚覺餐廳冇 refill, 原來食左人地個 display @.@
小丑 Lego 人個樣開心好多, 如果拋埋波同表演魔術就仲正 :)
準備再闖 Legoland 之際, 4 位小朋友發現條虫係地下爬都笑成咁, 可想而知佢地真係幾開心, 有咩好得過爸爸媽媽見到你地暢快地笑 :)
玩分類遊戲, 排好晒就逼人買野既 sales, Big Shop 快 D 請佢地啦 :)
外表好型既佢其實係咖啡杯黎, 轉到頭暈呀!
排隊玩過山車, 小慈好自豪自己高過 120cm 可以一個人玩遊戲, 小明高過 100cm 好多遊戲先玩到 ^^
天氣真係好熱, 呢兩把叉電風扇吸引左好多艷羨目光
太熱! 決定要去濕身!!
有型有款
最鍾意按呢個 water bomb
一掂水就癲晒既小明終於成頭濕晒
開心得佢
Hi, Einstein!!
魚尾獅 Hello!
堅持要搭火車既小明
尋日突然行雷閃電好多遊戲暫停, 今日終於有得玩喇
呢個遊戲非常消耗體力, 要 PUMP 架車先會行
我地準備去玩青蛙跳
一見到動物就會自動黐埋去叫影相既小明
唔該車我返酒店啦!
唔夠時間喇! 最後玩埋船仔, 今日冇咩人好多遊戲唔駛排隊已經好好, 畢竟我地今朝只係玩得 2 個鐘
依? 咩黎架?
佢個樣真係超得意呀! 神真係好幽默 ^^
我地一離開 Legoland 坐私家車去聖淘沙就狂風雷暴落大雨喇!!! 多謝天父保守看顧!!
出面仲落緊雨, 我地呢兩晚住 Hard Rock, 兩張大床仲有張子母床, 休息下先
爭取時間周圍行
去到邊都有麥當勞, 不過呢度杯雪糕要 $3 坡紙, 好貴呀!
遊客區, 好多地方影相
七彩魚尾獅個樣勁攪笑
終於停雨, 我地可以出發去下一站喇!
搭捷運
只係 4 個站不斷循環
Da La~~~~ 我地玩揸車呀!!
每玩一樣新遊戲前第一時間度高.... 呢個規矩即係點呢? 夠 110 cm 不過未夠 6 歲冇得自己揸車, 點算好呀, 小明?
好在, 有得親子一齊玩既, 小明扮住小慈家長平衡下心理先 >v<
好緊張呀! 我地去 skyride 喇~
架吊車唔會停, 你要把握機會鬥快上車坐定定, 好刺激
腳仔吊吊 FING, 請緊穿拖鞋 ^^
好多人, 我地排隊等羅頭盔
呢款頭盔真係好蝦人戴
4 位識揸車既爸爸, 呢 D 碎料啦~
準備出發!
小慈揸得好好呀!
$65 坡紙任玩 10 次, 我地決定 3 次俾小慈, 3 次俾爸爸/媽媽, 3 次俾小明親子, 佢隻手仔未夠力拉唔實個 Break, 本來最後一次想俾佢自己試下既, 最後都係俾左小慈
衝線喇~~
我都覺得好好玩
秋秋都好開心
玩完好口渴, 終於係便利店買到新加坡獨有既 5 色益多!!!
$3.2 坡紙 5 支, 我覺得橙味最夾, 小明最愛青蘋果, 小慈鍾意士多啤梨, 提子味似藥水最難飲
好肚餓! 我地搭捷運去 Vivo City 大食代醫肚
串燒好好味!
最普通既牛腩麵被兩姐弟極速掃清, 我就試福建炒蝦麵, 秋秋話真係有鄉下既味道喎 ^^
去超級市場都係一個重點節目黎架! 我地去買手信同埋早餐
呢包 7D 芒果乾對我地有特別含意架 >v<
好攰! 今日過度刺激 + 體力過份消耗, 早抖~~
沒有留言:
張貼留言