先放低郭恩明去禮堂綵排, 一個鐘頭之後佢就變左身, 又靚仔又有錢既商人呀!
整裝待發~
大會司儀-- K3 鄭老師 & K1 陳老師
非常感恩, 郭恩明小朋友今日有份得獎呀!
好壯觀既獎杯陣, 弟弟都有 3 隻 ^^
頒獎前跳舞班表演, 佢地 D 衫好靚呀~
親子聯合畢業典禮邀請卡繪畫比賽優異獎
頌親恩 . 愛父母攝影比賽最有趣扮相大獎
好寶寶親子悅讀獎勵計劃全年大獎, 好頭好尾, 我地最後一次都得左喇 ^^ 呢個獎好難得到因為要全年不終斷, 今年我地睇左 160 本書, 估都估唔到有個 K1 既小朋友睇左 194 本, 佩服!
嘻~ 我都有獎, 家教會主席仔 ^^
Full Committee, 繼續為學校效力呀!
高班家長義工都有獎
等到頸都長, 終於等到弟弟表演!! 上次坐到好遠睇唔到樣, 今日好清楚喇 ^^
有錢既商人被強盜打刧捱打中
社會地位超低, 一直被人歧視但心地其實好好既撒瑪利亞人救番佢
好人到送埋商人去旅店, 幫佢俾埋醫藥費, 唔夠佢之後返黎再找數.... 呢個故事係耶穌教導我地要彼此相愛, 不分種族膚色社會地位
大團圓結局
畢業班獻唱數算恩典, 一首好好聽既詩歌
再見~~~ 我地會努力讀書, 將幼稚園學到既知識技能態度, 從此發揚光大, 一生伴隨
老師派畢業公仔, 弟弟好鍾意
校長, 老師, 爸爸媽媽努力栽培既小寶貝長大了, 畢業了!
我既乖仔, 媽媽以你為榮 ^8^
好同學, 好老師
小慈畢業既時候, 我地班家長攪左個謝師宴報答老師 4 年黎既辛勞, 點知打風, 謝師宴取消連結業禮都冇埋, 好失望.... 今日, 連郭恩明都畢業, 校長話唔要謝師宴, 唔駛, 但我覺得要表示下, 話晒我兩個小朋友都係度畢業, 校長老師佢地真係好錫好錫小朋友, 我諗左好耐都唔知送咩先夠特別... 感謝天父俾我諗到送公仔! 呢個公仔真係勁, 校長收到即刻喊
因為呢個公仔係照住校長個樣黎做, 好靚好靚好靚, 真係好靚.... 佢講左好多次 ^^
仲有送俾 K2 教過弟弟既周主任, 做埋制服先最攪笑呀 :)
班主任葉老師梗係有啦, 我地覺得葉老師個公仔係做得最似佢架呢
班主任鄭老師先前放產假, 弟弟勁掛住佢, 日日數住佢幾時放完假返黎
為免弟弟爆響口, 我完全冇講俾佢聽送禮物俾老師, 只係完場先要佢幫手派禮物, 十足驚喜
見到你地咁鍾意份禮物, 我真係好開心!
我收到個時都覺得做得好靚呀~~
沙田幼兒學校人才濟濟, 你地要 Keep 住呢顆愛心以及對教育既熱誠, 將更多既愛與關懷藏進小朋友心裡
小朋友個個都係獨一無二, 高矮肥瘦聰明活潑文靜主動熱情.... 咩都有, 咁先考老師智慧點樣同不同既小朋友相處, 建立感情
今日大豐收
弟弟勁自豪
感謝天父! 亦多謝學校對郭恩明既肯定!
讀 3 年半書 (弟弟 N1 下學期先入學) 可以取得 5 個獎杯, 真係開心架! 我覺得最珍貴就係弟弟由 N1 開始直至 K3 畢業, 連續 4 年取得好寶寶親子悅讀大獎, 真係一 D 都唔容易, 少 D 堅持都完成唔到! 不過真係培育到弟弟喜愛閱讀既好習慣, 識多好多字 ^^
終於儲齊兩個畢業公仔, 小慈係女畢業生, 小明係男畢業生, 落足眼力先分辨到, 絕對可以玩找不同 :)
拆禮物時間
實用文具禮品
今日真係好開心! 多謝學校, 多謝老師!
沒有留言:
張貼留言