Adventure Cove Water Park
扮同海豚一齊游水
一入場已經受到職員熱烈歡迎, 佢地仲俾左個驚喜我 -- 親親海豚做緊特價 $50 / 一個人可以同海豚玩 40 分鐘, 我聽完簡直雙眼發光, 去呀! 去呀!! 即刻去呀!!
特價既野真係講唔埋, 弟弟唔夠高冇得玩, 而有限時間內只能安排 5 個位俾我地, 最少要有一個大人陪住, 於是我就一個拖住小慈, 熙熙, 心心同埋搴搴去探海豚喇~
我地呢條海豚叫 Rong Rong, 三歲, 男仔, 摸佢既感覺真係好特別, 好滑既肉既感覺
海豚唔識聽人講野, 全靠動作指令, 所以我地唔可以隨便亂郁
小慈初初話唔想錫 Rong Rong, 我話你當佢係屋企條鯊魚公仔, 佢唔會郁唔會咬你既
於是~~ 好叻呀, 小慈! 克服心理障礙錫左 Rong Rong 一啖, 仲話佢咸咸地 ^^
拋個好重既圈出去, Rong Rong 係會執番黎俾你既 :)
好難忘既體驗, 我真係好開心! 好想同 Rong Rong 一齊游水添 ^^
雖然弟弟唔夠高親親海豚, 可能係水深怕危險, 不過佢係 Adventure Cove 都好開心, 爸爸話佢玩水族館激流都玩左好耐, 坐住個水泡睇魚又玩射水槍, 轉頭就去跳浪, 仲玩 Tree House 玩左廿幾三十次, 開心到完全唔記得左我
就係呢個 Tree House, 爬上爬落玩到唔想停
非常快手沖完涼食午餐就去 S.E.A Aquarium, 嘩~~~ 鯊魚呀!!!
今日係星期六, 明顯多左好多人
一入場見到隻 1:1 駱駝..... 依? 呢度唔係水族館黎架咩?
仲有非洲鼓, 打兩野唔好徙
挪亞方舟都有???!! 啊~ 係海盜船至真
落到底層終於有魚既野喇
呢個先係正門
太似海洋公園個水族館, 小慈小明麻麻地, 都係一個睇字
腳下有鯊魚
餵飼時間
觸摸池
最鍾意睇呢個電腦, 有晒全個館所有魚既介紹
有部族既捉魚方法係咁, 真係技術高超呀!
呢條魔鬼魚個樣真係好得意
佢個名好好聽 -- 馬賽克水母
沼澤低窪地區盛產大肉蟹 :P
Photo taken by Grace Kwok
蜘蛛蟹呀
小明幾渺小
果然大左就走晒樣
行左一個鐘就行晒個水族館, 太藍又冷氣咁, 為免瞓著都係出去行下街啦
天氣好好呀
爸爸買左自己細個最鍾意食既野請小慈小明食
我地呢幾日都係以的士出入, 真係咩車都可以做的士, 今日我地好幸運地坐到 Benz ^^
轉酒店, 最後一晚住近市區既 Oasia
酒店房好細, $1183 港紙一晚咋喎, 算係咁啦
最鍾意見到佢地玩, 開心咁笑 ^^
31 樓望到泳池
包車去 Gardens by the Bay, 上年黎既時候係朝早行左 OCBC Skyway, 夜晚既感覺好唔同呀
呢位小朋友瞓左
好辛苦先整得醒佢就要抱抱
呢度係 Flower Dome
燈光不足又冇水牌介紹, 好多都唔知咩花黎, 不過我識呢 D 係蘭花
走散前影張大合照先
幾位小朋友係度植樹
我地去左 Cloud Forest
熙熙爸爸 good take!
好高呀呢度, 條橋穿洞架
離遠望住激光 show, 一晚有兩場
好靚啊~~
遠眺摩天輪
小明最鍾意呢個 Otters crossing, 差 D 想停低睇佢地出沒
晚餐食 Satay by the Bay, 好似大排檔呀呢度, 好有特色
你睇 D 串燒正到!!
好好味呀 ^^
呢度真係好靚呀~~ 不過小朋友興趣好細
沒有留言:
張貼留言