當年小慈仲係 K2 弟弟 N1, 齊齊向學校請假早走去玩, 點知去到弟弟唔夠 90cm 只係可以玩 BB 區 .... 嘩哈! 今時唔同往日, 身高已遠遠超越 90 界線既佢可以大玩特玩喇 ^^
亞洲博覽館真係好遠, 去到機場都仲要搭機場快綫轉一個站, 兩姐弟好 high 因為第一次搭
搭左個幾鐘頭車終於到達, 好在兩個心情興奮無介意
Da La~~~~ 高過 90 cm 許多, YEAH!!!
我地係第一批人士入場, 今日算少人呀
爸爸非常之有先見之明話玩左水上單車先, 上上落落又要抹乾一定會等好耐, 趁而家條隊短梗係玩左先! 真係呀, 我地玩完之後條隊已經要排 2 個鐘頭 @.@
向前向後一齊轉, 要轉彎就單邊轉, 小明掌握到喇
好在小慈小明身輕如燕, 我見有 D 大哥哥玩一坐落隻船就炒底趴唔郁, 都幾尷尬呢
呢隻 Rody 同我地屋企隻 Bingo 好似呀
挑戰中國萬里長城
總共有 5 個關卡, 兩姐弟由城尾玩起, 由老虎將軍把守
中國人係龍的傳人, 梗係要有條龍助陣啦! 好玩就好玩, 但玩得 5 分鐘真係好少......
嘩~ 呢個真係正呀! 忌廉哥竟然出彈床
忌廉哥好巨大呀
忌廉哥 AND 忌廉嫂
在場仲有好多忌廉哥精品
連 Baby Kingdom 都有彈床, 小慈話呢個最斜最刺激
Toyota?!!
真係諗得出既都可以整彈床, 所以有車有咩出奇? 會場做埋車展先好野呀!
冇睇錯, 大卷廁紙
大家係張紙巾度滑落黎
真係好滑好柔順喎~~
小慈自創 M 字腳滑梯, 佢個樣好享受下
稻草小天地, 岩晒愛動物既小明
河邊有隻馬騮仔好似你咁樣
呢隻長頸鹿只係俾 4 歲以下既小朋友玩, 仲要任玩套票唔包要另外買飛先得, 超搵笨! 弟弟接受唔到呢個冇得玩既事實, 喊左出黎.....
秋秋已經悶到周圍搵食, $20 碗魚旦, $20 碗燒賣算係咁啦, 食水最深既其實係飲品, 好在我地有自備咋
經典懷舊遊戲
踢足球
嘉菲貓都有 COUNTER
8:00pm 後人流明顯減少, 但工作人員手腳太慢, 每個遊戲依然要排半個鐘 @.@
點都要玩晒既小慈小明仍然好乖咁排隊, 冇話要返屋企
寶物沉龜底, 最後玩呢個閃電十一人小慈竟然話好大跑得好爽
成隊足球隊係晒入面仲有得射龍門
玩到 10:00pm 散場先走, 回家路上小慈已經累極而睡, 瞓覺梗係要搵爸爸大脾啦 ^^
小慈彈後感: 好玩就好玩, 不過唔夠刺激, 想要 D 好高滑落黎個 D, 而家 D 滑梯太短
小明彈後感: 我依然好想玩長頸鹿, 好衰呀另外要人買飛 (仲講喎! 成個場任玩個 D 佢唔講, 硬係要記住得唔到既野 #@$#%&)(&%&)%^#$!^YT*I&^($@!@@%)
沒有留言:
張貼留言