新嘗試

講都唔信, 讀完 JMC 小明就問我幾時跟 Miss Sukey 學琴, 鋼琴 0 天分 (我覺得) 幾經辛苦先捱完 JMC 我仲諗住甩難, 接受我個仔強項不在音樂方面, 估都估唔到小明想繼續學!!  話要同小慈家姐一樣, 最重要既原因仲話係 "覺得 Miss Sukey 靚女想跟佢學琴"   @_@

無論咩原因, 你肯學就最好啦, 於是, 今日第一堂 ^^

小慈家姐學完就輪到佢, 0 級既小朋友學 30 分鐘, 落堂時弟弟竟然問 "點解咁快就落堂架?"  Miss Sukey 對弟弟讚不絕口, 話佢好乖坐得好定, 肯彈又好記性, 唱歌又好大聲, 好好呀!  獎佢一個大貼紙仲送左支筆俾佢做獎勵添...... 真係估你唔到!  Miss Sukey 覺得你乖就得啦, 學琴會越來越難, 睇下到時小明會唔會喊住話唔學先  >.<

課室貼左 poster, 琴行每年都會舉行音樂會俾所有學生踏台板表演, 學得一堂既小明唯有出年先參加啦~

琴行出面有隻貓小明都知, 可想而知佢平時等小慈家姐放學時周圍行啦

好的開始就是成功的一半, 小明小明, 努力堅持呀!!!