小明實在太鍾意佢把劍, 去到邊都帶住
早餐都好多選擇, 仲望住 Legoland 黎食, 好正呀!
食飽飽又可以去 Lobby 玩, 非常安全! 小朋友有小朋友玩, 大人繼續嘆早餐 ^^
天氣實在太好, 我地決定去 Water Park 玩先, 東南亞地區話落雨就落雨麻~ Water Park 外觀好似好細, 入面好多野玩, 好想再去多次 ^^
等人齊時梗係影住相先啦
開心到彈起既小朋友
我地咁多人真係好震撼 ^^ Make a "L" for Legoland
酒店同樂園只係一條巷仔之隔, 帶條毛巾去玩, 玩完包住條毛巾返酒店沖涼, 正到爆呀!!
嘩~~ 好靚呀呢度!!! 勁多條滑梯, 高過 110cm 小明全部玩得!!
呢條 Lego 激流最受小朋友歡迎
游完水特別肚餓, 我地去 Legoland 上面既 food court 食午餐, 行幾級就到非常方便! 我地舊年都係幫襯呢間, 估唔到今年仲係度, D 雞賣到冇晒好好生意添!
呢度係我地經常既集合地點, 成班小朋友又開心到彈起
無人既 Legoland 門口, 真係估唔到啦
一入場就見到 Lego 人, 佢笑得好衰羅
第一時間去揸車, 小明終於夠高玩, 唔駛去 BB 組
Blue Cars go first!
小明都揸得算係咁, 係過彎唔識得兜開少少炒左埋路邊卡住左要搵人求救
小朋友去玩, 家長只係係度...... 等
周圍都係恐龍, 小明好開心
呢個恐龍遊戲是日定期維修, 緣慳一面
好想買呢幾款恐龍, 點知 Lego shop 話冇 @.@
同冬晴柏苗一齊睇 4D Movies
真係好有效果, 睇完成頭濕晒
估都估唔到 Legoland 暑假尾係冇人既, 4 位小朋友包火車
Old McDonald had a farm, yi ya yi ya o
獅子張開大口, 小明張開細口
舊年跟團太少時間玩又多人, 每個遊戲至少都排 1 個鐘頭隊 @.@ 今次黎感覺好新鮮因為有好多 area 我地冇去過 >.<
愛動物的小明摸住兔仔特別溫柔
中計! 呢個遊戲係要自己拉繩上去放手跣番落黎再拉番自己上去, 手動跳樓機..... 手無搏雞之力既我玩完真係想 C....... 小明既表情動作完全道出我既心聲
小慈今年好勇敢, 佢話要玩晒所有機動遊戲挑戰膽量
好靚既城堡呀!
所有野都係 Lego 砌好有心思
挑戰過山車
小明叫佢做媽媽龍
媽媽龍收埋好多寶藏
呢架 BB 龍過山車真係爽, 因為冇人, 我地一埋站同控制員講 "One more time!" 完全唔駛落車按一下制就俾我地玩多次, YEAH!
好玩呀!
好好笑, 呢個小小世界係互動既, 旁邊有得按鈕 D Lego 就會識郁同講野
我地間 Legoland Hotel 呀! 玩具一樣
買唔到恐龍 Lego, 小明好想要呢隻, 爸爸話影低佢個樣返屋企自己用零件砌都得啦! 於是小明好乖咁放低左
6:00pm 天都未黑 Legoland 就要關門, 好唔捨得走, 好在聽朝仲有時間黎多轉!
非常早食晚餐, Food Court 呢間泰國餐廳幾好食, 不過我地枱枱都叫菠蘿炒飯, 係得我地早叫有原隻菠蘿上枱, 其他得碟頭因為餐廳唔夠菠蘿 >v<
食完飯仲有時間行下小小超級市場買下手信零食. 呢款 KitKat 甜筒好新奇呀!
成班小朋友返酒店玩篤波 ^^ 鳴謝搴爸去旅行都帶埋玩具
小明志在一插篤穿個波, 狼 C 得佢被罰停賽冇得玩, 自己臉皮厚厚走去砌 Lego 樣
三個哥哥努力起圍牆, 細佬們坐享其成
驚喜! 有人扭汽球, 小朋友們即刻排晒隊
點會估到一個海盜會識扭汽球先, 氹得小朋友勁開心
沒有留言:
張貼留言