智樂遊樂車

今日好熱鬧, 智樂遊樂車分別在藍田及將軍澳都有遊戲日, 思前想後, 天氣實在太熱, 我地決定去將軍澳體育館嘆住冷氣玩 :)

今日亦都係全民運動日, 體育館內有得跳大繩, 踏單車, 仲有健康檢查

呢兩位姐姐係花式跳繩隊隊員, 佢地 fing 大繩專業到就住小明黎 fing, 所以小明跳到好有成功感, 冇失手 ^^

小慈近來都上左幾堂花式跳繩, 於是佢跳到自轉, 好 HIGH

HI!  我係黃金明!

我係「牛下女車神」李慧慈, 大家好!

即場送番張即影即有俾大家

每玩一個遊戲就有得吸印仔, 儲齊至少一個印都有禮物換, 政府都落重本推動運動啊!  我地最終換左一個運動腰包同埋一打手動風扇仔 ^^

第一次踏室內單車, 小明問: "點解架單車唔郁架?!"

太多人, 上去踏左兩腳影完張相就落番黎, 冇出汗算唔算運動左呢?

唔理咁多, 我地要去玩喇!  智樂遊戲得一個 counter, 我地排 45 分鐘先玩得 15 分鐘, 不過智樂好識做, 排隊時有姐姐派 bubble 紙等大家 D 手指有 D 細藝, 旁邊又有黑板仔俾小朋友畫下畫發揮下創意, 所以 45 分鐘都唔覺好耐

第一件事衝去玩水泡相撲, 佢地既裝扮真係好攪笑

1 號選手準備出賽

2 號選手唔好衝動, 聽哨子聲先開始

嘩~  佢兩個眼神想殺人咁, 咩事?

出晒魚網原來去撈海綿

呢個遊戲叫大笨象噴火樂園

將所有既海綿塞晒入去個象鼻度

弟弟勁 HIGH, 玩完 15 分鐘出去排隊入黎又再玩過, 前前後後玩左 3 次

吹氣隧道

初時誤會左入隧道坐爆 D 波, 小慈仲嚇親小朋友, 原來吹氣隧道內捉汽球就成功

超級紙積木, 紙皮都可以玩

I'm a little robot

氣墊球大比拼

Imagination Playground - 個名改得好, 小慈小明想像呢塊係搖搖板

跌喇~~~

咁大舊積木, 仲要軟綿綿, 好好玩, 兩姐弟即刻開戰

我地玩到閉幕, 工作人員執野清場時兩姐弟仲喪玩緊

自由自在, 無拘無束咁玩左 3 個鐘頭, 開心晒 ^^

免費入場, D 遊戲又咁好玩, 要繼續舉辦呀!!