天陰陰落雨太好瞓, 整醒小明去上堂都已經遲左少少玩緊第一個遊戲, 弟弟都算乖, 以前小慈瞓唔夠會發脾氣大喊, 弟弟完全冇事, 只係擘大眼即刻合番埋, 伸兩個懶腰聽到我笑一個骨碌爬起身 "up up up" 咁示意我抱, 佢真係一個易話為既小朋友, 不過下堂畢業張姨姨請小朋友盡量早返影大合照, 希望做得到啦!
遊戲一 -- 吸印仔
請小朋友吸印仔係指定方格, 大約一張 A4 紙畫 12 個正方形, 要佢地吸印仔係格入面, 訓練小手肌及空間感, 小明又做得唔錯喎, 仲識開印仔蓋添!
遊戲二 -- 吹哨子 / 吹 bubbles
18 個月既小朋友未識自己渣住支棒吹 bubbles, 為要佢地有成功感, 張姨姨教大人吹 bubbles 後, 用支棒接番一個 bubbles 係上面要佢地再吹, 訓練嘴部肌肉可幫助說話及發音
遊戲三 -- 穿越黑暗隧道
都係爬隧道, 不過條隧道最好係黑色既, 如果冇就係隧道上面舖毛巾令條隧道幽暗 d, 俾小朋友多 d 生活體驗, 克服怕黑既心理障礙, 小明一 d 問題都冇, 張姨姨都未 set 好架步佢已經爬左入去, 就係得佢咁勇敢先引發到一班小朋友跟住佢尾一齊爬 :DDD
沒有留言:
張貼留言