兒童節@馬鞍山公園

好多朋友都介紹馬鞍山公園又大又好玩, 今日係兒童節, 天陰陰界乎落雨與未落出之間, 涼涼地都幾舒服, 就同兩個寶貝行下公園, 搭馬鐵幾個站就到, 穿過商場就係公園, 係門口已經聞到花香仲見到蜜蜂採花蜜, 小慈小明好興奮!!

呢位小朋友完全唔怕死, 自己就咁行出去滑滑梯, 完全唔係坐低滑囉

看牛咁看住呢位過度興奮既小朋友

小慈都有幫手睇住弟弟

呢 d 斜路原來係非常消耗體力, 小明行到腳軟, 之後返屋企瞓左 2 個鐘

醒目小慈寧願幫手推都唔想玩氹氹轉, 見到就暈呀!

轉戰室內運動場, 可惜有人數限制要派籌, 兩隻 b 體力都差不多透支下次先再玩過!  仲有個兒童圖書館不過 5:00 pm 收工, 下次要早 d 黎至得!  呢個咪標位好好笑, 真係有小朋友泊自己架三輪車 / BB 車係度

同場加映兒童節大餐 -- 味噌長腳蟹豆腐烏冬鍋

簡單又開心的一天!