復活節

小慈: "媽媽, 今日駛唔駛返學呀?"

我: "唔駛呀, 放復活節假丫麻"

小慈: "耶穌俾人釘十字架呀!"

小慈兩隻食指做出十字架模樣, 唱:

 "主被人釘十架, 釘十架, 釘十架~~ 主被人釘十架, 是~~ 是~~ 是~~"

我: "係呀!  主耶穌被釘十字架受傷流血呀!" (非常驚喜, 冇諗過小慈會識!)

小慈: "主耶穌佢死左呀!"

我: "係呀, 釘十架流左好多血, 係死左呀!" (暗暗佩服, 連死左都知)

小慈: "不過唔駛驚, 主耶穌佢會復活架!  猶大好曳佢出賣耶穌呀!"

小慈又唱: 

"主耶穌已復活, 主復活, 主復活~~ 主耶穌已復活, 是~~ 是~~ 是~~"

小慈, 你真係好叻呀!  

上堂咁專心, 老師教咩你都記得, 福音已植根在你心裡, 媽媽好開心!