吟詩

返全日制學校既好處就係小朋友對住老師既時間多好多, 除左一般既課程函授, 老師仲有時間教其他課外知識, 訓練小朋友既自理能力等, 比一般 3 小時既幼稚園時間充裕得多, 已經係上星期既事, 當時我地食緊飯, 小慈無端端走埋黎, 雙手放係背後一本正經咁背

春曉  孟浩然

春眠不覺曉, 處處聞啼鳥, 夜來風雨聲, 花落知多少

嘩~~~  老師好勁呀!  之前教識小慈背主禱文我已經好佩服, 而家連唐詩都出埋!  好厲害呀~~  

我好開心即刻同小慈錄影, 點知個衰妹唔正經扮唔識唔肯錄, 咁我咪收起相機, 小慈又話仲有一首李白作既,  嘩~~~  連李白作都知!!  係唔係床前明月光呀?  小慈話係呀係呀

靜夜詩  李白

床前明月光, 疑是地上霜, 舉頭望明月, 低頭思故鄉

小慈背得好 ok 架, 咬字都唔錯, 連 "孟浩然" 都讀得好清楚, 又識讀 "光" 唔係 "剛"!  Excellent!!!  口型比平時講野誇張, 我估都係老師要求既, 好攪笑 :DDDD

今晚又再獻新猶, 不過呢首我唔識, 攪到我要上網搵資料先知小慈讀緊咩野

呢首好冷門!  好在小慈識講我聽作者係 "駱賓王" 如果唔係真係搵唔到,  好勁呀老師!!  俾 10 個叻你地, 我真係好想八卦下老師係點教佢地!

同小慈上音樂班又係, 學 imitation singing, Miss 曾請小朋友出去圍住電子琴唱歌, 先唱 Twinkle Twinkle Little Star, 再唱番呢首歌既 so fa name --

do do so so la la so, fa fa me me re re do

so so fa fa me me re, so so fa fa me me re

do do so so la la so, fa fa me me re re do

Miss 曾話小慈唱得好好, 成首識唱晒, 又企得靚手有擺後面又冇周身郁, 於是請小慈企出黎係小朋友面前單獨唱一次, 小慈真係 SOLO 咁成首歌唱岩晒好厲害!  聽到一個音再唱出黎, 係學習 absolute pitch 既方法, 估唔到就黎 4 歲既小慈隻耳仔咁厲害, 仲要完全唔怕羞咁係大家面前唱歌!

另眼相看呀, 小慈 ^^