醒目仔

弟弟一係唔行, 一行就行得好叻, 而家仲識自創步姿 -- 扮企鵝!!   唔知點解而家會行到雙手向後伸, 個頭仰高咁黎行, 真係笑死人!  原先弟弟坐係豬仔車度等人推車, 點知等極都冇人睬佢就落車, 行到成隻企鵝咁, 攪笑在佢既笑容尷尷尬尬咁唔知諗緊咩, 真係笑爆嘴 :D

之後小慈同爸爸係房玩緊電腦, 弟弟八八卦卦走入去望兩望就走番出廳, 好鍾意搬野既弟弟竟然係廳度攞左盒金莎入房搵爸爸, 突然聽到爸爸大叫一聲 "弟弟!!!"  原來小明已經攞住粒金莎食緊仲食到成面都係朱古力!!!

爸爸問粒金莎唔係我俾佢食既咩?  我話我頭先係飯枱整緊野都冇望到佢入房, 而家自己識行識走點跟得咁多?  爸爸話見到弟弟攞住盒金莎入房放左係張電腦椅度, 再望佢已經係食緊粒金莎!  即是話, 弟弟識得:

自己打開個盒

攞一粒金莎

蓋番個蓋

撕開金莎包裝紙

放包裝紙係盒面

淨係攞粒金莎黎食 !!!!

上次小慈食金莎, 為食既弟弟走去搶, 於是爸爸俾左一粒弟弟咬 2 小啖之麻, 咁就學識左??!  好勁既賊仔呀 :)

瞓覺前又突然生性, 可能實在太想飲奶奶, 弟弟等唔切姐姐餵就自己攞起奶樽黎飲, 仲飲晒 @.@  之前教極弟弟都唔肯自己捧起奶樽架!  今晚就無端端自己黎, 真係估你唔到!

 8 安奶自己飲晒