英文堂

逢星期二, 小慈係學校都會上由外籍老師教既英文堂, 小慈講過俾我聽個老師叫 Miss Sandra, 不過我未見過佢

今日班主任打俾我話好驚喜, Miss Sandra 教緊 "My Garden", 係 whiteboard 度畫左一個太陽, 一舊雲, 一棵樹, 一朶花, 小草同雀仔, 小慈竟然自己舉手同 Miss Sandra 講:

"I want to write!"  (draw 先岩麻, 不過佢識用呢個生字, 發音又準有 R sound, 仲要好勇敢咁主動舉手用英文同老師講, 我都好開心)

Miss Sandra 又真係俾支 marker 佢, 小慈又真係畫喎, 仲要畫到 8 成!!  係得隻雀仔可能難畫 d 佢冇畫到

班主任把聲好興奮呀, 仲開心過我咁, 話小慈仿畫既能力好強, 用 marker 畫上 whiteboard 講求既係構圖, 空間感, 仲有渣筆既力度都要好, 問我有冇俾佢學畫畫?  我話冇呀, 筆都未識渣學咩畫畫?!  淨係做學校本 "故事幼塗樂" 先渣蠟筆, 不過小慈係非常俾心機做呢份功課, 本來只係簡單既連線練習, 小慈係堅持到成張影印紙要油晒顏色, 有 d 地方好似舊雲咁唔油咪白雲羅, 佢都要油黑佢話佢落雨!  好花時間架麻, 次次都油大半個鐘以上, 小慈咁有心機做功課我開心都黎唔切啦, 呢個好習慣, 不過有時見佢真係油得太耐都會幫佢油少少等佢快 d 做完

班主任叫我俾多 d 機會佢仿畫, 栽培下佢, 臨收線我問佢有冇影相呀?  可惜班主任話影唔切, Miss Sandra 好快擦左, 因為已經過晒鐘落堂, 小慈個人表演左成 5 分鐘, 全班靜晒望住佢畫 ^^