弟弟第一次剪頭髮

當我餵弟弟食粥仔時, 我發現佢 d 頭髮原來已經好長, 仲插眼添 @.@

見唔見前面個幾條好長呀?

見佢可以坐定定食野, 我就決定一邊餵粥, 一邊同佢剪頭髮

本來只係想剪佢前面 d 陰, 但見佢 d 頭髮都插耳仔, 一不做二不休, 成個頭剪晒!

男仔頭原來好難剪啊!  再加上佢郁黎郁去, 聽到較剪聲就望, 攪到我差 d 縮唔切!

第 1 次剪算係咁啦 :P

之後仲發現弟弟已經出左第 9 隻牙喇!! 

佢擘到個口好大先見到佢左邊第一臼齒已經出左一半, 好大隻大牙呀!!  我非常愚笨咁伸隻手指入去弟弟個口度想摸清楚時, 弟弟就好唔客氣咁咬住我唔放 @.@

好痛啊~~~ >.<