舅父今晚上黎食飯, 自從小明 1 歲生日會之後, 數數手指已經 10 個月冇見面, 小慈話: "我唔記得左舅父個樣喇...."
我問小慈知唔知舅父係媽媽既邊個? 小慈答我係 "朋友"! 我解釋舅父係媽媽既弟弟即刻明晒 ^^
小慈再問彤彤姐姐呢? 我答彤彤姐姐係舅父既 "女朋友" 時, 小慈個樣若有所思少少怕羞咁, 嘟左一下嘴, 碌左一下眼咁, 好攪笑唔識形容佢個表情! 人仔細細好似已經知道男女朋友係咩一回事咁 :DDD
食完餐飯混熟左, 小慈開始係舅父面前展示佢既玩具, 我話舅父畫畫好叻架, 小慈即刻要舅父畫隻貓俾佢, 睇住舅父畫畫時, 小慈講左句: "好似真係好勁咁喎..." 真係笑瓜我 XD
小明都唔執輸埋去攪攪震, 舅父話小明瘦左好多, 係.... 後勁不繼~ 不過似我地都唔會肥得去邊! 肥過都叫做有交代 :P
歡樂既時光過得特別快, 習慣早瞓既小慈小明今晚已經玩到過晒鐘瞓覺, 舅父你下次都係早 d 黎啦~~
沒有留言:
張貼留言