秋老虎@沙灘

難得立秋之後仲有 32 度, 於是決定去埋我地今年最後一次沙灘

近期不停強調自己好鍾意粉紅色既小慈超級鍾意呢件泳衣, 擺晒 pose 俾我影相

今年帶左弟弟去 4 次沙灘, 係我地既努力之下, 弟弟一次比一次進步, 由第一次怕沙狂喊, 第二次掂沙即刻縮腳, 第三次掂沙僵硬 5 秒先冇事繼續行, 到今次放佢落地曉跑, 而家玩沙玩到笑咪咪, 我地真係安樂晒!  呢個先係我個仔麻!

不停將 d 沙掉入水筒又再'不'番出黎, 好忙

玩玩下突然嫌棄自己對手污漕, 於是行出海洗手

爸爸, 小慈家姐呀!

雖然今日有 32 度, 但 d 水已經凍唔可以俾佢地落水, 浸下對腳就算

大浪黎喇~~~~~~~~

玩左個幾鐘, 估唔到小慈食完支甜筒話好攰好眼瞓要返屋企!!  一場黎到咁快就走?  我仲預佢玩到天黑, 企圖遊說小慈係沙灘度訓一陣, 佢唔睬我..... 唉, 玩 1 個鐘同玩 3 個鐘都係要洗咁多野, 阿女竟然唔肯玩耐 d......

一年去 4 次沙灘已經太多, 玩得多就唔駛玩咁耐, 咁盡慶 @.@