無限 loop

9 月23日先恢復面授課程, 一個學期都未到, 第四波又爆發, 確診個案過百宗, 教育局又宣佈 12月停課直至聖誕假期 V__V  又從頭再黎過!  又要做網中人了!  2020年經歷 4 度停課, 幼稚園學生全年上課唔夠 50 日, 中五中六亦只係返學上課 90 日咋!  今日就係本年度最後返學既一日, 出年開課日遙遙無期~

最恐怖係勁多源頭不明個案

我本來一個星期返三日都要立即煞停, 好在一早都知唔妥帶晒 D 野返屋企

一家四口又唔駛出街食飯 lu~  呢一年我地都慣左深居簡出

苦中作樂

好在我地有個天台, 唔係困獸鬥時間容易過好多

眉豆陸續結出果子

攞佢地出黎曬乾就可以再種過, 希望夏天時佢地可以綠葉成蔭

我地既大蕃茄長得好好呀! 

果實纍纍見到真係好開心

通菜都結出咁多果子令人驚喜!

生菜好茂盛

我盆怕羞草都大左好多

刀豆摘得喇!

小慈最開心!  係得佢種得成功, 冇辜負團契師兄

可以成為武器

真係好大棵, 小慈摸過入面應該有 6 粒種子

除左務農, 玩公仔都係一個幾好既調劑

我對仔女超級鍾意公仔

砌模型都可以消閒

九巴 apps 夠 400 分就送禮物, 我換左呢個巴士模型弟弟極速砌完, 好靚呀!

又回復網上學習既日子, 你地記得上 Google Classroom 交功課呀!

而家係停課!  停課!  唔係輟學!  輟學!