冇瞓呀! 冇瞓過呀我! 一來得一張好細既被根本唔夠兩個人冚, 有暖氣已經頂唔少, 但得 11 度我要上下身咁著兩件羽絨當被咁黎瞓, 二來真係太嘈, 成個營被風吹足成晚, 唔係咁多傢俬壓住再加埋我地既重量, 個營絕對係會飛走, 感覺真係不安全 @.@ 對我呢 D 醒瞓既人黎講真係冇陰公! 已經 2:00 am 先噠落床, 4:00 am 就醒... 唉...... 依? 弟弟都竟然醒左喎!
小慈 5:00 am 都醒埋, 碌左一陣就話想出去行下, 營地呢邊睇到日落但睇唔到日出真係可惜, 不過清晨空氣真係非常清新~
行下行下就行埋去沙灘, 超凍超大風, 不過個天好靚!
弟弟好想再去摸蜆, 得 11.3 度被我嚴厲地阻止
玩下沙算啦
狗狗都晨運呀
呢 D 係香港既危險海洋生物
實在係太凍, 無謂吹親病左就大穫, 疫情期間病左好大件事架! 返入營舍玩下小遊戲
咁早起身就幫手透爐煮早餐啦
今日既早餐包括烘多士, 炒滑蛋, 烤腸仔, 日本版出前一丁, 鮮牛肉火腿通心粉
仲有一千零一個杯麵都食埋
食飽飽爭取時間玩埋佢! 竟然俾佢地諗到戶外打麻雀 :DDD
影下靚相
好想繼續係度 hea, 不過要 check out 了
兩年先一次既大旅行, 點都要影相留念 (當離開左香港架喇!)
最重要係我地呢班媽媽友誼永固! 搵到呢個地方令我地都有開心回憶 ^^
同老公都放下閃先
我地全家都一樣高, YEAH!
實在太依依不捨, 時間尚早又近大澳, 於是大家即慶飛的入去玩
對上一次入大澳係 2014 年慶祝我生日, 小慈小明完全冇印象
好多特色小店
得意!
橫水渡小廚係唔係一間餐廳呢? 樓梯上?
大澳藝術
等緊人
唔好污染海洋呀! 除左一般既膠樽膠袋, 呢一年既全球口罩量真係不敢想像
肚餓未? 埋黎食碗麵
大澳對我既印象就係曬咸蛋黃同埋蝦醬 :)
舊式鐵閘買少見少
隨處可見既棚屋
大澳有兩條開合橋, 一條藍色, 一條紅色
好想坐艇仔, 疫情關係冇船出去睇中華白海豚, 好可惜
係市集行完一個圈, 係時候醫肚
我地搵左水鄉茶餐廳貪佢可以坐晒我地咁多人, 呢度既大澳炒飯同水餃好好味呀!
甜品時間! 就算食飽點都有胃口食炭燒雞蛋仔
正呀! 脆卜卜架! 冇食咁多年都 keep 到水準
近來我地都鑽研天台種植, 見到人地塊田咁靚都忍唔住要欣賞下
呢種唔知係咩果呢? 好大粒咁吊落黎, 好得意!
現時氣溫 26 度, 一早一晚凍, 好難捉摸
由市集行入酒店方向至少半個鐘, 朋友仔話要上埋虎山, 我家三位寶貝碌大對眼即時 NO 左! 目標行埋去酒店就算, 瞓得麻麻再加上背負重擔, 真係全家都累爆!
唔知如果大浪湧埋黎時, 間屋 feel 唔 feel 到既呢? 好想入去住下
到喇! 我地終於搵到最好味既勝利蝦醬!
再行前少少就到酒店, 不過今日咁多雲, 而家先 3:00 pm 應該捱唔到日落, 佢地歸心似箭
大澳文物酒店, 好耐冇見呀!
望著海一遍
已經冇力再行番半個鐘出巴士站, 可惜 call 船冇人聽電話, 等左一陣都冇
馬死落地行, 死死氣又再行過
上車瞓到落車, 呢粒電芯終於都冇電
結束兩日一夜貝澳 + 霎時衝動大澳半日之旅! 草草食左個爭鮮, 10:00 pm 瞓到第二日 10:00 am!! 真係不復當年勇, 冇做過 D 咩都攰成咁 @.@ 不過係開心既! 難得可以行開下, 散下心 :)
沒有留言:
張貼留言