我地一班由細玩到大既靚 B (而家已經變晒青少年) 有個不成文規定 -- 10 歲前每年都一齊開生日會, 每兩年就一齊出國去旅行! 真係喎! 8 歲去新加坡, 10 歲去沙巴, 12 歲去越南芽莊, 今年 14 歲都係時候起程! 我地年初時已經決定大班人復活節一齊上遊輪去沖繩玩, 夾晒期揀晒船之際就爆肺炎仲有鑽石公主號事件, 嚇死死好在未買船飛咋! 即刻轉為暑假一齊去 camp 啦, 但又遇上第三波, 等下等下又年尾 2020 都要過去, 唔想破左我地兩年一次出國既決定 (冇得飛至少都一齊聚下玩下) 於是我地都係決定聖誕去 camp 包場自己友玩!!
去貝澳對我地黎講最快既方法就係搭巴士去東涌再轉大嶼山巴士, 搭呢架機場巴士我地當去左旅行架喇 :DDD
約埋由細玩到大, 而家更加係同學仔既柏苗一齊出發
入東涌 45 分鐘, 食埋午餐加超市入貨, 再搭大嶼山巴士唔駛半個鐘就到, 行入 camp site 時巧遇小明日思夜想既牛牛 :)
到喇!! 嘩! 呢度好靚呀!
我地 book 左 2 個 4 人營, 1 個 6 人營 同 1 個 8 人營, 包場咁玩, 小慈身後呢個就係我地一家人住既 4 人營
另一邊 4 人營係 Bessy 姨姨一家
藍天白雲, 椰林樹影, 世外桃園一樣!!
4 人營入面有 1 張雙人床同兩張單人床, 我地拍埋俾小慈小明一齊瞓
營入面有廁所及沖涼地方勁方便! 西園個蒙古包要 $3000 個廁所仲要係出面真係另一番風味
呢個 8 人營環境都唔錯, 兩家人一齊住就好熱鬧
6 人營 $2700, 2 張雙人床加 2 張單人床, 一齊 share 每人 $450 都幾化算
原來 D 牛係呢度黎架
成個營地牛牛行晒, 爽! 佢地唔係好怕人添
爸爸同弟弟玩搖搖板, 一坐差 D 彈左弟弟出去 :DDD
將你對 pandemic 既怒火發洩出黎啦! 口罩丫嗱! 停課, 哼! 隔離, 打!!
搖搖下就瞓著架喇, 秋叔叔
三位大細佬難得聚首, 真係好耐冇見
少不免一齊打機
駐場大龜龜兩隻
一貫地放養
為免一班有為青年又係圍埋打機, 不如去沙灘玩下
呢兩位少年人究竟寫咩呢?
態度... 細節? 何解? ???
個天空超靚! 地下既黑沙係貝澳特色
唔記得帶飛碟
美少女背影
唔同 post 唔同方向, 呢張相靚呀! 有 feel :)
小慈幫我地影左張 sweet sweet 相 ^^
太陽都要戴口罩
今日唔太凍又有太陽, 玩下玩下就落埋水, 摸下摸下發現有蜆!!
弟弟非常落力, 我地又唔俾佢濕水怕佢冷親, 佢摺到自己成隻蜘蛛咁 :DDD
一有發現就交俾爸爸
滿載而歸, 如果唔係太陽就快落山個天黑得好快, 弟弟仲想繼續掘
呢隻白雪雪係小慈摸既, 好靚
三位細佬
三位家姐
Mums
Mums and Girls
貝澳沙灘真係好靚
我著鞋都唔夠小慈高, 不過媽媽好欣慰, 繼續高過我唔該! 165! 165!
太陽下山
高手 Patrick 叔叔仲影到天空之鏡, 超靚!
黃昏既 camp site 好正呀! 唱: 斜陽伴晚煙 我像歸鳥倦 晚霞伴我過稻田.... 咩黎架? 你唱咩呀? 我未聽過喎! 我仲好細個架咋 :DDDD
呢兩父女已經係度嘆世界
摸完蜆最終濕晒已經沖完涼既 Young Man
介紹我地今晚既大廚 -- 熙熙爸爸!!
今晚食殘廢餐~ 得一個爐於是由熙熙爸爸全權主理, 真係辛苦晒呀!!
有加餸架, 碟蜆浸下水先 :P
職工頭圍用膳 :D
這邊箱有林氏母子炒蒜香意粉
那邊箱有郭家父子炒蜆
係試味, 邊度係偷食姐 :P
最鍾意 BBQ 海鮮, 正!
熙熙爸爸特別訂購既牛扒, 超級好食! 秒殺!
大人有大人慢慢燒, 青年人有青年人入遊戲室玩
有賽車
又可以打麻雀! 自從網上上課後個個都新技能解鎖
仲可以打羽毛球! 不過大風到完全打唔到 :D
一早一晚最凍, 而家都係得 14 度, 洗完手用呢個方法烘乾最正 ^^
玩到唔肯瞓要食宵夜
仲有糖水
捱到 12:00 已經係極限, 要關機充電
終於明白 camp site 點解會提供耳塞, 原來呢度勁當風, 大風到個營不停搖晃, 勁似山竹重臨
.... to be continued
沒有留言:
張貼留言