種生菜

執到個發泡膠盆, 物盡其用我地攞佢黎種之前買落既生菜種籽, 真係要夠大夠深佢地先會發芽, 日日淋水生長得好好, 大到高過晒個盆, 可以收成喇!!

生菜好粗生, 我地決定淨係剪大塊既葉, 等佢中間既葉仔繼續生長就可以有至少兩輪收成

落剪!

剪剪下竟然跳出一隻螳螂 BB, 弟弟好驚喜啊!

螳螂 BB 先會係螢光綠色, 同 D 生菜葉真係好似

係手指頭上擺 pose 又隨風搖搖下出螳螂拳, 真係好得意!!

繼續剪生菜!  除左發泡膠盆, 用大花盆都生長得唔錯, 最緊要夠大!

小慈話塊葉超級滑

弟弟仲一邊剪一邊生食, 不停話 D 菜好甜

笑 C 媽媽系列 :DDDD

剪起有一大籃架

勞苦功高既農夫爸爸!!  LIKE!!

真係 work 架!  留番 D 葉仔兩個星期又有收成!

打邊爐切左白蘿蔔頭直接放入泥, 佢又真係再生葉仔啊!  好真妙呀!

煲湯既花生放入泥, 生到成堆雜草咁毫不起眼, 但又真係有花生收成喎!  沖乾淨泥放入氣炸鍋炸一炸佢, 都幾好食 :P

第一粒變紅色既蕃茄!!!!  好期待啊~

小慈話個天好靚幫我影相

調理農務左兩個鐘頭, 係時候炒番碟菜慰勞下自己!  

自己親手種既生菜真係超甜超好味!  唔駛落鹽都好好好好食!  咁大籃都係一人得兩啖, 差 D 唔夠分!  好在我地仲有第二輪收割, 正呀!!