冬至

雖然瞓到自然醒但全身都仲係攰, 元氣大傷 @.@  不過今日好忙冇得係屋企 hea, 趕住出去做天灸, 跟住要返學校睇牙醫, 今晚仲要去姑媽屋企食冬至飯, 上次見面已經係中秋, 係時候要一家人團聚啦~

好耐冇黎過有新鮮感

有展覽睇

電車注入新元素?

睇完牙醫食 Hungry Korean 特別好味!  小明仲話呢度景觀一流, 識嘆呀!

二人限聚我同小慈撐枱脚, 呢個雞肉石頭飯既精髓係呢粒蛋黃 :D  當然仲有成塊飯焦啦!

一家齊齊整整冬至打邊爐!!!  可惜小慈小明做完天灸要戒口, 超乖地真係食好少好少牛肉, 冇食海鮮, 淨食菜同豬肉, 美食當前都忍到真係叻, 等爸爸媽媽幫你食晒佢啦!  哈~ 哈~ 哈~

飯後打機等食生果

仲有老虎堂黑糖湯圓, 好好味

冬至大過年, 以前既人冬至會做呢 D 大事

大家冬至快樂!  一家人齊齊整整, 身體健康!