當確診個案達到 7000 宗, 每日確診仲係 80, 100 咁升上去, 專家形容第 4 波猶如山林大火一發不可收拾, 歷時超過一年仍然見唔到盡頭, 真係真係真係好氣餒....
作為星斗市民可以點? 我地真係只可以唔出街當幫忙架咋! 呢個星期呢埋係屋企已經煲晒成套鬼滅之刃, 我好鍾意故事入面其實冇所謂既壞人奸角, 每隻鬼之所以為鬼其實都係身不由己, 非常值得三思
主角當然係受歡迎架啦! 弟弟話岳飛讀完左氏春秋同孫吳兵法就想保衛國家, 大家睇完鬼滅之刃就會想保護妹妹, 真係笑到我飛起 :DDD
我地淨係睇完 26 集動畫版, 電影版冇入場睇恨得牙癢癢中, 唯有等 DVD
問左弟弟, 佢話佢都係唔想要妹妹, 唔駛保護喎... 好在 :)
我地仲有跟播全民造星 III & 男排女將, 真係好好睇呀!
好有愛! 好喜歡二汶!
除左睇電視仲有家庭遊戲時間 -- 打麻雀, 鋤大弟, 層層疊, 大富翁每日輪住上
呢位小朋友第一次試食十三腰
亦有問功課時間
天氣凍凍地最適合打邊爐
爸爸買料份量岩岩好, 媽媽買就要連打兩日的了~ 呵呵呵!
宵夜食杯麵
太香, 令原本唔太餓的小慈都忍唔住要食
杯麵加薯片, 肥仔是這樣練成的
我覺得苦中作樂先係香港人對抗逆境既方法, 希望笑一笑, 世界更美妙
聽聞已經大量生產疫苗, 希望真係幫到可以完左呢件事啦! 撐住呀!
沒有留言:
張貼留言