我個乖仔 12 歲喇!! 唔知點解今年同弟弟慶生特別有壓力 @.@ 首先係時間問題, 星期六要開會星期日要派宣傳單張請唔到假同佢出去玩, 好在有約去美麗姨姨屋企玩貓都好高興! 生日正日係星期三, 打算等佢地放學就出去踏單車, 然後食餐好既慶祝, 乖既弟弟都同意呢個安排 ^^
跟住係禮物問題, 其實之前已經送左, 仲係弟弟自己提出要預支生日禮物, 貨金買左個 Brawl Pass 同埋無線耳機! 不過做得佢阿媽點會唔知心肝既心意? 正日都係要買禮物俾佢架啦! 不過好難搵, 真係行到腳仔軟先買到! 於是, 生日 morning call 就靠呢份禮物喇~~
Good morning 弟弟! 時間配合得好好, 我唱完生日歌啜左佢 12 啖就聽到 DDDD DDDD.... 咩聲呀弟弟? 起身發現呢部夾公仔鬧鐘! 夾唔到公仔部機係唔會收聲架, 哈哈哈哈! 醒晒! 開心到不得了玩左十幾廿次差 D 出唔到門口返學! 小慈家姐趁弟弟玩緊都錫左佢 12 啖賀佢 12 歲生日~ Sweet
放學返黎已經 2:00 pm, 弟弟話超多功課做, 我又 book 左去食 buffet, 第一輪食 5:30 pm 咁咪唔夠時間踩單車囉? 弟弟竟然話唔緊要, 有得玩夾公仔就開心! 已經掌握到技巧夾得超快, 1.68 秒就夾到, 有冇咁勁呀????
見你咁乖送多份禮物俾你啦! 係大富翁 cross over 層層疊. 型呢 :)
終於都做晒功課, 不如早 D 出街行下影下靚相紀念呢個特別日子, 新城市今年好靚呀! 大家都話呢張相影到小慈條腿超長, 又纖瘦, 令人非常羨慕咁話 :DDD
弟弟早過主耶穌一個月生日, 所以周圍已經佈滿聖誕裝飾, 好靚! 好有氣氛
見冇咩人我地先敢除口罩影相
佢地 D 甫士真係
我勁鍾意呢張相呀!! 年曆咭仔有著落了 ^^
影埋張靚靚全家幅! 我最鍾意 Merry Kissmas ^8^
小慈小明由細到大都好乖影相, 非常合作
攬頭攬頸, 相親相愛, 爸爸媽媽見到就開心! 要做一輩子的好朋友啊~
爸爸媽媽超級錫你呀, 乖仔!
弟弟話佢等左好耐終於有得食 buffet!
我地竟然可以早到等 buffet 開門
一號飛等第 25 號枱, 弟弟勁喜歡呢個號碼 :)
入場喇!! 冇人呀!!
好多選擇
生蠔每次兩隻, 保證新鮮! 爸爸同弟弟食左好多! 芝士龍蝦同長腳蟹就係媽媽既飛弗
鐵板燒和牛非常正呀!! 又係每次兩塊, 我地攞左好多轉 :P 不過超失望竟然冇 Parma ham!! 餐廳竟然話隔日先供應..... 嗚嗚~ 我 book 個時問左佢話有我先食呢間架, 隔日供應都講得出....
弟弟差 D 喊左出黎, 我話一陣去超市買番俾佢先冇再扁嘴! 佢本來幻想自己食 Parma Ham 食到飽架 V_V 好在酒店預備左生日 cake 仔俾弟弟, 佢好驚喜, 終於破涕為笑!
生日快樂呀恩明 B!
小慈家姐吻賀壽星仔 ^8^
焦糖燉蛋超級好食! 小慈更加愛上桂花糕, 話食完個口好香
食到咁飽都係時候行下街, 應承左就一定做, 係我地為人父母既宗旨! 所以即刻買番 Parma ham 俾弟弟
開心晒 ^^
12 歲小明子今日大豐收!
We Love You Very Very Very Much!!
入廁所玩埋個雪糕蛋糕既乾冰, 仙境一樣呀 :DDDD
面書會回顧當年今日做左 D 咩, 咁多年黎, 弟弟生日都有大肆慶祝啊!!
P.S. 我地張 2021 年年曆咭仔整好喇!
開心快樂健康成長, 與小慈家姐相愛相親, 我地真係好愛你呀, 弟弟!
Happy Happy Birthday! Love you always~~
沒有留言:
張貼留言