一周年

唔係有面書大人提醒, 都唔記得去年今日秋秋打籃球跌斷手!

有後遺症架!  秋秋而家隻手有 D 風濕痛, 有時又唔係好用到力, 真係一次意外足以有後遺症!

為左補償下呢隻損手, 秋風又起, 我地今晚決定食蟹補補佢!!!  呢兩隻 $360 既大肉蟹爆晒羔真係好抵食, 大過我塊面架!

小慈小明同兩隻蟹玩左半日, 親自放佢地落鋼盆又同佢地沖涼又摸晒殼咁, 仲以為會培養出感情唔捨得食, 原來係唔會架 :DDD

意猶未盡, 再加埋個爸爸黃金臘腸炒飯, 真係大滿足!!!!!  (太好味唔記得影相 :P)

近來天氣真係超級靚, 每次上天台都睇到唔同既景色 ^^

呢兩張日落相係小慈影架, 小明非常滿意仲用黎做 profile picture 添!

兩姐弟日漸長大有愛惡有主見, 今日仲幫手處理 D 蟹同幫手洗米煮飯, 爸爸媽媽都覺得欣慰~

見你地咁乖, 得閒又請你地食好野啦!