牧師的家

做左咁多年基督徒, 都係第一次受到師母既邀請去牧師屋企食飯!  促成今晚既飯局更係因為我地竟然有教會以外既共同朋友!!  我地前教會既弟兄又巧合地係師母前同事既老公, 咁奇妙都俾我地連繫到, 唔一齊食飯都唔得啦 :DDD

師母今晚親自下廚, 我地點能夠兩手 fing fing?  於是買左脆卜卜波波提同埋請牧師飲靚茶

解釋下先, 左起: 阮牧師, 阮師母, 我, 秋秋, 阿 Le, 嘉敏

師母同嘉敏係前同事, 我, 秋秋同阿 Le 以前返同一間教會, 而家我地係城潮浸人, 阿 Le 就跟太太嘉敏返教會!  至少十年冇見, 咁都可以人搭人連繫番仲一齊食飯, 一齊聚舊, 真係好奇妙, 充滿神既恩典!

今餐真係超級超級豐富!!  擺得靚又好味!  辛苦晒師母~

仲有阿 Le 買既甜品, 經師母灑上糖霜同襯埋雪糕, 成件事唔同晒!

孩子們既年齡層分別係中一, 中二, 中三, 中四 & 中六, 非常投契岩玩

玩魔力橋玩到搵爸爸們救命, 玩 UNO 又嗌到喉嚨痛非常肉緊刺激, 俾佢地笑死了！

牧師屋企連跑步機都有, 岩晒我地食到咁飽去跑番轉!  我要消脂!!  我要健康!!

今晚真係好開心!  多謝牧師師母既招待, 玩到傾到唔捨得走 :DDD