雪雪忌廉

今季大家係主日學同學, 同婷婷閒聊時知道佢地養左兩隻貓貓!!  果然今次疫情令大家唔係變廚神就係變寵物控 :D  平時美麗姨姨屋企已經係一個令人嚮往既地方, 而家有埋貓貓點可以唔 visit 下?  對上一次去佢地屋企已經係兩年前慶祝小明 10 歲生日喇!

Hello 忌廉 & 雪雪!  佢地係兩兄妹, 2020年 3月出世, 而家 8 個月大, 品種屬於異國短毛

忌廉正在認識小明

雪雪既毛毛超級滑!  美麗姨姨每兩個星期就同佢地沖一次涼, 照顧得非常好

要唔要玩波波呀?

排排坐!  平時既呢個時候佢地應該瞓緊晏覺

小明好想抱佢地, 但忌廉同雪雪超級認人, 唔係 Peter 叔叔同美麗姨姨抱就即刻扭腰閃走

我都係抱到雪雪幾分鐘影左呢張相咋!  佢望住我開始發覺唔對路 :DDD

Peter 叔叔為左兩隻貓貓屋企作出許多巨大舉動 -- 收埋左對喇叭, 掃走晒枱面既雜物, 自製左呢張收得埋既茶几

自製入牆櫃仔擺放室內植物, 超靚!!

貓屋都係自製架!  Peter 叔叔真係人如其名係強叔叔!!

為左與貓貓親近, 小明無所不用其極扯出褲頭帶引到忌廉飛起左 :D

呢個方法淨係 BB 貓先 work, 忌廉同雪雪玩到好 high, 目不轉睛

皇天不負有心人, 終於 friend 左

玩到趴晒地吸引雪雪

一齊趴地!  實在太攪笑了 :DDD

貓貓要開餐

我地都開餐!  今晚有鐵板燒食!

美麗姨姨知道小明鍾意食牛肉專登買靚韓牛俾佢架, 錫到佢燶!

鐵板蔬菜都出奇地好食

仲有生日蛋糕預祝小明生日

多謝 Peter 叔叔, 美麗姨姨, 婷婷姐姐!!

花園都好大改變, 冇左個大魚缸整多左間獨立屋, 將軍都有個藏身之所

一個大棚架種蕃茄同火龍果, 又有檸檬樹木瓜樹石榴樹

結滿果子既木瓜, 弟弟用 Peter 叔叔既自製收割袋切左幾個返屋企, 等佢再黃小小就食得喇!

今晚真係好開心, 玩到唔捨得走!

後記:  等左 4 日, 其中一個木瓜終於變黃同變軟, 食得喇~~  真係甜到不能置信!!