小慈學校主題講緊 "動物", 當日放學已經問我屋企可唔可以養龜或者養魚 @.@ 對呢兩樣野我真係冇特殊感情, 龜都好 d, 至少可以摸下攞出黎玩, 魚得個睇字, 又要成日換水真係咪攪!! 再加上我之前養過兩次龍貓實在已經耗盡我所有既心血, 到而家個心都仲係好似有個洞填補唔番咁....... 所以我婉拒左小慈 V___V 點知呢個寶貝女一有機會就問我一次, 不停問:
點解唔可以養? 我乖 d 食飯食快 d 可唔可以養呀.... 等等...
我地都係心軟既父母, 想當年我媽咪都好縱容我同細佬, 龜呀, 兔仔呀, 金魚呀, 雞仔, 鴨仔, 雀仔, 貓貓狗狗, 連金龜子蠶虫都養過!! 今日既我自問都真係幾有愛心同耐性, 可能都係當日養小動物孕育出黎既性格, 好啦, 凡事都有第一次, 就試下培育小慈小明既責任感!
今日要返學校開會, 順便接兩個寶貝放學, 跟住一家四口浩浩蕩蕩去沙角街市金魚舖, 小慈小明超級興奮, 望住 d 金魚指手畫腳又大叫大笑又跳, 一個書包掃趺晒人地 d 魚網, 老細幾驚弟弟跌落魚缸呀, 好鬼大鄉里架佢地真係 @@ 同爸爸商量完決定養龜, 一來爸爸有經驗, 佢之前隻龜養左廿幾年唔講得笑, 二來店主都推介我地養因龜易打理, 好彩既話真係可以陪伴小慈小明大學畢業都仲係度架! Da La~~~~~~~ 呢個就係我地屋企既新成員喇~~
本來仲諗緊叫佢做 "恩 x", 爸爸話不如叫 "慈明", 馳名烏龜幾巴閉!! 慈明慈明慈明.... 讀快 d 咪就係 Jimmy 羅 ^^
你好呀 Jimmy 哥, 1 歲, 3 月 8 日黎到我地屋企, 當你 2010 年 3 月 8 日出世啦!
希望好奇心超強既小明手下留情
Jimmy 哥係草龜, 每日浸水 1 小時 + 餵飼 + 放便, 其餘時間請保持龜身乾爽
養熟左就可以放佢周圍散步, 而家咁細隻會呢埋左搵唔番
爸爸以前隻龜大到要用兩隻手捧住, 今次睇下 Jimmy 哥既造化
Jimmy 哥同弟弟隻手一樣大呀
God bless you, Jimmy!
拜託你快高長大, 長命百歲, 延年益壽!!
沒有留言:
張貼留言