彈琴

話咁快又到 Book 3 開學!  驚喜在 Book 2 入面既 8 位小朋友全部都留低升班!  小慈同冬晴熙熙繼續同班 :)

不過課程唔講得笑, 一開始已經彈 chord - dms  tfs  fdr  str  fld  mtd...  經過時間既洗禮, 小慈手指仔開始有力, 3 個音一齊彈都難唔到佢, 轉手指就肯定要再練習先會純熟, 加油呀, 小慈!

放學同熙熙一齊食壽司!  可能太開心, 熙熙由上堂到落堂不停話俾人聽佢一陣要去食壽司, 事實上佢又真係食好多, 仲同我一樣鍾意食三文魚 & 鰻魚, 識貨呀~

課程深, 真係要練琴先跟到進度!  每次小慈練琴, 弟弟必定係旁邊攪攪震, 高音雞雞, 低音牛牛咁攪亂檔 @.@

今日小慈一起身, 弟弟就 9 秒 9 坐左埋去個琴度, 好啦, 俾你彈下啦~~

小明一臉滿足, 回眸一笑既表情真係好可愛

遲 D 就到你上堂架喇!  今次一定會係好老師 :)