Model 的紫菜飯

小慈真係好 "女仔", 講野細細聲, 鍾意粉紅色, 勁鍾意著裙紥辮

呢兩隻貓絕對係小朋友既至愛, 經過都一定摸下攬下坐下

唔可以偏心, 兩隻都坐下

呢位小姐而家連影相都識擺 pose, 唔駛教, 佢真係完全唔似我, 應該係攞晒我冇既那一邊 @.@

呢位 Model 好鍾意食壽司, 亦都好鍾意食紫菜, 為左吸引好似 Model 身材既小慈唔好一粒飯要食三餐, 爸爸就用即食紫菜包住白飯當壽司咁俾小慈食, 果然食紫菜飯係快好多!  但紫菜難消化不能食太多, 只會隔日供應!

今晚就係包紫菜飯既日子, 弟弟見到小慈食得咁開心就舉手話要, 點知食左一啖就大叫:

 "辣辣呀~~~~~~~~"  

係咁 boo 口水又即刻飲水 @.@  原來, 爸爸買錯左 wasabi 紫菜!  小慈見狀又即刻喊話好辣呀 (戲王), 其實佢之前已經食左 3 舊紫菜飯都冇不良反應架喎 @.@

以為弟弟怕辣唔食啦, 轉頭佢又咬一啖紫菜, 一邊話辣辣又 boo 口水繼續食!  真係冇呢兩隻衰豬咁好氣!