大肚腩

弟弟: "頭髮篤住眼睛呀!"

我: "同你剪頭髮好唔好?"

弟弟: "好!"

我: "剪頭髮要坐得好靚, 唔可以郁架, 一郁就剪到耳仔, 你做唔做得到?"

弟弟: "可以~~~"

真係好乖喎  今次都剪得幾理想, 不過弟弟既頭髮始終太柔軟冇咩髮型可言!!  

天氣開始熱, 係屋企除淨件底衫, 弟弟又唔知點解會雙手會自動放後面再挺個大肚腩出黎, 笑死街坊 XDDD

食緊飯, 弟弟話: "我要屙尿喎!"

我: "你著左片片架喎, 你想學小慈家姐咁屙尿呀?"

(盤算緊係唔係要開始訓練佢如廁, 佢又識講, 天氣又暖都可以開始....)

弟弟: "唔係!"

小慈家姐補充: "弟弟話要 Oreo, 唔係要屙尿喎!!" 

真係爆笑!!  小慈竟然識翻譯, 兩姐弟溝通得唔錯呀!

知弟莫若姐