遠近慈明: 小明N1

顯示具有 小明N1 標籤的文章。顯示所有文章

2011年6月20日星期一

寫字 & 戒片

按教育局規定不能要求幼兒班既兒童執筆寫字, 再加上小慈間學校係唔催谷既幼稚園, 所以小慈 K2 先開始寫字, 已經學識寫 Aa-Zz, 1-100, 中文字寫公司, 信, 作病, 商店, 售賣.....

驟眼睇起上黎, 小慈識寫既字好似好少, 當然仲要睇下對比邊間幼稚園啦, 我都聽過有 d 幼稚園 K1 已經識晒 A-Z 仲已經串緊字, K2 已經寫大量詞語背埋成數表, 不過我地都係 d 唔催谷既家長冇咩所謂, 讀書可以讀一世, 咁早識晒 d 字做咩先?!

哈~~ 你話我地懶又得, 自由發展又得, 而家小慈對文字仲係好有興趣, 成日都問我呢個係咩字, 睇書見到佢識既字又好興奮咁! 今晚仲攪笑, 攞住支筆同我講佢識寫好多字, 咁我叫佢寫黎睇下啦, 小慈就問我寫咩好呀? 我問佢想唔想寫自己個名? 小慈好興奮, 於是我就學老師咁拆開個字依筆順教佢寫, 小慈臨摹能力又幾好喎, 字體大小比例都掌握到, 第一次寫算幾好

越寫越有興趣, 越寫越多, 開始想寫咩字就要我地教佢, 仲學我用原子筆添!

得閒又畫下公仔, 隻大笨象好可愛呢! 右下角係一隻老鼠對腳跑得好快

學習興趣先係我地想追求既野, 希望慢工出細貨, 學習態度凌駕一切! 我真係幾鍾意呢間學校好有經驗, 對小朋友真係好有耐性! 小明兩歲半之後, 老師打俾我話小明係學校好合作, 會主動同老師講去廁所, 但就成日都話去, 差不多每 10 分鐘就叫一次, 但次次去佢都真係屙得出喎 (呢樣真係要問下爸爸, 點解男仔可以少少少少咁屙既呢? 女仔一去就要去晒架麻, 每 10 分鐘一次真係能人所不能呢?!)

老師都發覺佢有 d 趁熱鬧既心態, 聽到同學仔話去廁所佢都例必舉手話要去, 當老師拖佢去街玩咁開心, 仲識教小朋友屙落廁所度唔好周圍整濕添! 為免狼來了既故事發生, 老師都要開始控制小明去廁所既次數, 請佢等一陣先去 / 儲多 d 先去, 如果佢真係好急就會賴, 不過暫時都冇失手, 學識忍住!! 老師都話小明進步左好多, 已經成個星期瞓醒晏覺條片片都係乾既, 可以嘗試係學校戒埋瞓覺片!! Yeah! 弟弟你真係進步得好快呀!

兩個都叻叻, 媽媽以你地為榮 ^8^

2011年6月19日星期日

The World's Strongest Dad

父親節獻俾偉大既父親 -- The World's Strongest Dad

https://youtu.be/BaZwpD1Paag

偶然係網上聽呢個故事, 在美國波士頓, 有一個爸爸名叫 Dick Hoyt, 兒子叫 Rick Hoyt. Rick 在出生時因臍帶纏頸導致腦部缺氧受損成為不能走路也不能說話的植物人, 沒有任何希望只能在輪椅上渡過他的一生, 但他父母沒有放棄, 當 Rick 11 歲時, 更送他上特夫斯大學工程系, 為 Rick 裝了一部能用頭的側面控制滑鼠的電腦, 令 Rick 能和外界溝通

Rick 15 歲時, 一位中學同學因意外而癱瘓了, 學校為那位學生舉行跑步籌款, Rick 便透過電腦打出:「爸, 我也想參加!」爸爸 Dick 之前並非跑步運動員, 也沒有跑過馬拉松比賽, 但因著兒子的要求就參加了! 他推著 Rick 跑完了 5 mile 全程, 在結束之後, Rick對父親說:

「我今生第一次不覺得殘障了!」

這句話深深地震撼了爸爸 Dick, 他決心要把那種感覺盡可能帶給兒子, 要參加 1979 年的波士頓馬拉松, 比賽當局不接受他們報名, 原因是 Hoyt 父子既不是單獨跑手, 又不是輪椅參賽者! 結果幾年來, Hoyt 父子只能在賽事中跟著大隊一起跑. 終於, 在 1983年, 他們參加了另一個馬拉松, 他們速度之快令他們能入圍參加之後一年的波士頓馬拉松! 不久之後有人對 Dick 說:「何不參加三項鐵人賽?」一個從來未曾學過游泳的人, 一個自六歲起便從未踏過單車的人, 如何能拖著 110 磅的兒子完成三項鐵人賽? 但 Dick 還是勇於一試, 屈指一算，他現在已完成了 212 次三項全能賽！

因著父愛，父親去學習游泳，學習踏自行車! 他願意為 Rick 做出許多的犧牲和付出，他又曾拖著他的兒子越野滑雪, 又曾背著他爬山, 其中一次更用單車拉著他橫越美國!! 於是從那時候開始, 他們父子就常以 "Team Hoyt" 報名參加馬拉松和三項鐵人賽. 跑步時 Dick 就推著 Rick 跑, 游泳時 Dick 就拖著 Rick 躺著的橡皮艇游, 騎自行車時 Dick 就騎著特製的自行車將 Rick 放在自行車前騎. Dick 說, 他參加比賽純粹是為了看到 Rick 面上露出甜美笑容時的「奇妙感覺」

今年, Dick 與 Rick 分別 66 和 44 歲, 已完成了他們第 24 次波士頓馬拉松, 在 20,000名參賽者中排名第 5,083, 他們的最佳時間是在 1992 年的 2小時40分 -- 只落後世界紀錄 35 分鐘!! (這紀錄是由一個沒有推著輪椅的人所創的)

兩年前在一次比賽中, Dick 輕微心臟病發, 其後醫生發現他的一條大動脈有 95% 栓塞了!! 一名醫生對他說︰「若非你一直保持著這樣好的狀態, 你大可能 15 年前已不久於人世。」

現在, 儘管 Rick 有自己的住宅單位及享有居家照料服務, 並在波士頓工作, Dick 從軍隊退役後已在麻薩諸塞州的荷蘭市居住, 他們經常在全國各地發表演說, 而每週末也會參加極耗體力的比賽, 當中包括去年的父親節, Dick 請父親吃晚飯, 他最想送給父親的禮物就是:

「我最想送給爸爸的, 是爸爸坐在椅上, 由我推他一次!」

在影片中, Dick 推著 Rick 通過終點時, 他們父子都受到眾人的鼓掌和歡呼! 但這中間Rick 什麼都沒有做...... 他也什麼也都不能做..... 一切都因為他父親的愛而白白領受這些.....

好偉大, 好感動既父愛!!! 回看我的家, 我個老公都係一個好爸爸黎架! 一位出奇地溫柔既爸爸 :)

今年父親節, 連弟弟都識送父親節禮物俾爸爸, 從此以後收雙份!! 影左張相仲電腦加工 key 埋副太陽眼鏡上去, 好攪笑!

件衫上面既花布係弟弟親手貼上去既, 仲有鎖匙扣後面有圖畫, 小明話係爸爸 (得 6 條頭髮 )!

小慈就整左個筆筒, 我同爸爸都以為係頂帽黎

音樂班學緊畫音符, 見唔見到小慈既 8 分音符?

夜晚約左爺爺姑丈一齊食 buffet 慶祝父親節, 你睇呢兩隻污漕貓食朱古力幾開心

The World's Strongest Dad!! Happy Father's Day!!

2011年6月5日星期日

端午節

端午節, 小明既綿羊組組隊扒龍舟, 人仔細細既郭恩明做龍頭大哥呢!! 龍尾就有張梓予, 周宇謙, 余綽軒, 張信謙, 劉倩珩, 黃康納, 吳綺澄, 郭恩明

今朝真係俾呢兩仔爺笑瓜我明明已經起左身, 擦晒牙, 轉個頭可以o達番落張床度攤抖!

小明仲抵死到同我講: "我好攰呀, 唔好攪我!"

肯定係有樣學樣啦 @.@ 因咩事我家男人咁懶既呢?

每個星期日, 我都會俾小慈小明揀食麥當當 or 麵包做早餐, 今日小慈揀左食麵包 (我最想佢地揀麵包, 因為可以上車食, 麥當當淨係排隊等位, 排隊買, 再等佢地慢慢食至少都要 45 分鐘!)

往買包包途中, 竟然見到地下有彩虹!!! 相信係陽光太好, 玻璃折射角度問題就見到彩虹係地下, 小慈小明睇到依嘩怪叫, 興奮非常!

上次我放工渣車見到彩虹影左張相俾小慈睇已經令佢羨慕不已, 今次終於俾佢見到條 A 貨既都勁 high, 不過唔可以睇咁耐, 爸爸已經係車度等緊, 於是拿拿臨去買包包~

上到車, 我提小慈話俾爸爸聽頭先見到咩野咁開心?

小慈: "我見到肉鬆...."

XDDDDD

衰妹掛住食, 唔係見到肉鬆包有肉鬆呀! 係見到彩虹呀 @.@

咁快就失憶, 小朋友果然係善忘既......

2011年5月25日星期三

小明 2 歲半

2 5 仔小明今日 2 歲半大, 爸爸話: "而家先 2 歲半咋咩? 好似 2 歲半左好耐咁既?"

小明係講野老積, 佢其實仲係好細個架咋 :)

語言方面:

佢除左講野仲有 bb 音之外, 講野既內容其實同小慈好相似!! 例如....

- 點算好呀? 我地一齊諗個方法出黎先!

- 好難聽呀, 小慈家姐! 你講呢 d 說話我覺得真係好難聽呀!

- 我好叻架! 我已經吞左啖飯, (個口) 有位可以飲湯!

- 食飯既時候唔好講野, 多謝合作!

- 而家天黑唔駛返學, 天光就要起身飲奶奶, 擦牙, 換校服!

- 工人姐姐問弟弟 "Blanket smell good?"

弟弟會奸奸地答: "Smelly~~"

攪到姐姐即刻好激動答: "No~~~" 識玩人添呀衰仔!

唱歌方面都有唔錯既進步, 識唱何家公雞何家猜, 太陽伯伯, 波兒波兒, 天父我愛你, 熊人熊人快樂笑, 仲有好多學校老師教既歌! 佢會玩玩下玩具自己爆出黎, 好在我又聽得明! 佢又可以咬字清晰地背晒成首謝飯禱, very good!

情緒方面:

弟弟一直都係一個易話為又好易笑既小朋友, 不過近來就好黐身, 鍾意人讚, 想像力豐富成日自己同自己講野, 玩玩具時仲會角色扮演, 經常當獅子鯊魚係壞人, 成日都叫人打佢拉佢坐監, 都幾暴力下 @.@ 話佢呢就會大喊, 好在弟弟都講道理, 會知錯, 肯 say sorry! 未有耐性, 想要一樣野就會出 "鵝功" 鵝到你俾佢為止, 非常堅毅! 同佢講一陣先, 佢就會即刻講: "已經好耐喇, 等左好耐架喇!" 真係令人啼笑皆非~

大小肌肉方面:

會快跑, 急停, 雙腳離地跳, 自行上樓梯, 推車, 踢波, 掉波, 碌波, 會用叉匙筷子, 可以自行進食, 用杯飲水, 著鞋除襪, 手眼協調 ok! 識扭蓋, 開門, 插鎖匙, 拉拉錬, 砌積木, 執筆可以寫 1 字, 打圈, 點點點, 填色塗鴉

社交方面:

弟弟屬於活潑開朗唔怕生保非常主動既小朋友, 非常鍾意同人玩, 但一定要我 or 爸爸在場佢先放心去玩, 可以跑到無雷公咁遠得閒先返黎! 表現獨立, 咩都夠膽試, 都好識捍衛自己, 會保護自己既 "財產", 但都知規矩, 會同人分享! 易妒嫉會呷醋, 我攬住小慈 or 爸爸, 佢一定會攝埋黎一齊攬住唔會蝕底, 都需要我注意佢!

老師話佢係學校都古靈精怪!! 例如排隊會攪人啦, 手多多啦, 瞓醒晏覺會夾埋其他同學仔一齊爬床玩啦, 上堂八卦, 聽同學仔講三講四會搭嘴, 又會撩人講野啦, 有時又會帶頭做衰野, 有時又會和應融合跟埋其他人一齊做添! 話佢兩句就大喊, 不過好快收聲知錯! 坐唔定, 但上堂又會好投入好多反應, 有時真係攪到老師哭笑不得, 冇佢修!

2 歲半既弟弟身高 92cm 體重 13.6kg (30 磅) 著 95 碼既衫褲, 腳仔 15cm

一早起身見佢個頭瞓到好似風間同學咁, 真係好攪笑 XDD