今日好開心, 熙熙媽媽邀請我地一家四口去佢屋企痴餐, 我真係好感動! 今晚好好餸熙熙媽媽極之客氣 -- 瑤柱蒸蛋, 香草花甲, 蒸鯇魚, 蠔油雞翼, 白灼西蘭花, 飯後果仲有水蜜桃, 唔會結冰既雪糕, 真係多到食唔晒! 熙熙媽媽你咁熱情招待, 我地一定會有下次架喎 XD
今晚最開心個個應該係兩個小朋友, 我地去到熙熙屋企佢已經玩緊煮飯仔, 仲熱情地招呼小慈一齊玩, 小慈又唔客氣, 二話不說已經羅左個煲去煮牛扒, 弟弟更加隨手就執左條魚放入口 :D
熙熙真係好叻, 佢識好多詞語 -- 打邊爐, 馬頭魚, 煲湯, 壽司, 燒賣, 焗蛋糕.... 仲話要煮汁添! 我問佢 d 汁要黎點咩架? 熙熙答我: "點火!" 真係笑死我!! 兩個既對話又勁攪笑, 話說大家要收拾玩具準備開飯, 熙熙準備推番個玩具箱同埋 2 張櫈仔入房, 於是
熙熙大叫: "邊個幫我手擺野?" 小慈: "我啦梗係!"
嘩哈哈~~~ 真係笑到我碌地, 兩個講野都好老積呀! 由佢地把童聲講出黎真係笑死人!
撐枱腳變比武筷子?!
兩個古靈精怪咁樣扮山窿俾火車捐, 玩到勁 high
呢款雪糕原來雪極都唔會變冰, 好神奇, 仲要好好味添! 小慈 & 熙熙 encore 左 2 次, 如果食飯都肯添飯就好喇.....
出外靠朋友 :) 多謝晒!
沒有留言:
張貼留言