失魂工人笨爸爸

今日工人姐姐已經係第 3 次打俾我話佢唔記得帶鎖匙!!!  案發經過係工人姐姐推住 BB車帶埋弟弟準備去接小慈放學, 關埋門落到樓下先發覺唔記得帶鎖匙, 即刻打俾我 sorry mum sorry mum 咁.....

可惜我今日行唔開, 全公司放晒假我要守住大本營呢!  於是我吩咐工人照樣去接小慈放學先, 跟住帶小慈去公園玩, 我再 call 佢啦!  收線即刻打俾秋秋去救阿女, 好在工人來回返到屋企都差不多要 5:00 pm, 秋秋都只係係公司早走少少姐, 不幸中之大幸!

今日係 happy Friday, 本來我同秋秋都約左各自去偷歡架, 點知秋秋返到屋企就俾小慈纏住左, 連去廁所都跟住尾, 出口述仲衰埋, mission fail 被迫留係屋企, 而我就梗係過左海就係神仙, 照 wet 可也啦~

賽後檢討, 究竟秋秋衰咩呢?  原來佢竟然用 "爸爸返工勒" 呢個咁低能既藉口去欺騙小慈!  我係小慈都唔信啦!  小慈自己都放學, 爸爸仲點會返工呢?!  真係握佢係 3 歲細路哥, 仲要人地都唔中計!  一個字 "笨"  攪到小慈喊到收唔到聲, 激動到要我打電話返去安撫佢.....

小慈: "爸爸話佢要返工呀!  佢放左工架勒!!  爸爸要排隊架!!"

我: "爸爸要排咩隊呀?"

小慈: "爸爸要排隊等媽媽返黎先可以返工架!"

我: "啊~~  唔係呀, 爸爸佢講錯左咋!  爸爸話佢放工, 唔係返工!  乖, 冇事勒!  爸爸係度, 唔好喊
勒!"

小慈: "媽媽你係邊度呀?"

我: "媽媽返工羅!"

小慈: "係呀?  點解你仲未放工既?  我等左你好耐勒! 我好掛住你呀!"

我: "媽媽都好掛住小慈呀! 媽媽好快返黎架勒, 你要乖呀!  做個開心小朋友, 唔喊架勒喎, ok?"

小慈: "OK!"