校際長跑比賽

老師真係慧眼識英雄, 之前揀中小慈參加學屆田徑比賽跑 200 同埋接力, 今次又俾機會小慈參加校際長跑, 我都唔知原來我個女咁跑得!!

比賽地點在沙田運動場, 佢地呢幾個 Form 1 話好想要校隊衫, 再講, 學校連女子田徑隊都冇!  咁真係要靠你地班妹妹積極參加比賽, 爭取佳績, 學校就會投放更多資源啦!

今日天氣陰陰涼, 都幾適合跑長跑

出左運動場再沿住城門河跑, 女仔去到瀝源橋再返轉頭, 應該超過 1500 米啦 @.@  我好怕小慈捱唔住, 平時又冇練, 我同爸爸於是將我地既畢生功力傳授晒俾佢, 喘氣時要點, 提唔起腳時要點, 最後衝線又要點..... 一定要完成賽事!

最後, 小慈話好辛苦 (不過冇中途送院 :p ) 完成左佢人生第一次長跑比賽, 結果以第 70 名衝線!!  女仔有 142 人參加, 成績大約中間, very good 啦, 即是話非常有進步空間 :DDD

好叻呀, 小慈!  學校俾咁多機會你去作不同的嘗試, 非常難能可貴呢!