約瑟團挑戰金督馳馬徑

約瑟團戶外週去行山, 仲要衝出九龍過海去香港, 又邀請埋家長, 我地梗係積極參與啦!!  為免小朋友捱唔住, 細心既導師安排佢地在天后搭小巴上山頂, 再慢慢行番落黎.  幾個精靈活潑既小朋友, 起行喇!!

尋晚仲落雨落到雷暴警告, 即刻切切祈禱求下天父!  終於, 今日天陰陰涼涼地冇再落雨, 好適合行山呀!!  多謝天父!

Check Point 1 - 寶馬山食水配水庫

Check Point 2 - 大潭郊野公園 @ 鰂魚涌

深入叢林探險的小朋友

嘩~~~~~~!!  有清澈既小溪呀!!!

清到望到小溪入面有魚有蝌蚪, 小朋友問准導師就即刻除鞋除襪落水喇喂 :D

其實 D 溪水係凍既, 不過有得玩心裡火熱就無有怕, 小明 YEAH!

所有小朋友全部落晒水, 好怕佢地其中一個跣腳整濕身, 冇帶衫換架!  真係一步一驚心......

合作捉蝌蚪

小明一個都捉左 8 條, 觀察左一陣, 最後全部放番佢地落水回歸大自然

我地仲行埋上去上游添

自然風景真係好舒服

繼續上路

Check Point 3 - 金督馳馬徑

「金督」就係香港1925至1930年第17任港督金文泰.  兩條「馳馬徑」, 相信係金督夫婦二人騎馬暢遊港島郊野既路線

有路牌就點都唔會盪失路, 不過呢條行山徑得一條路, 好易行

靚景, 半個香港!

有大空地玩跳大繩

玩馬騮搶飛碟

腳仔按摩

攀爬設施

係時候回程了!  呢條樹木研習徑好有型, 下次再黎行先

落山遇到好多狗仔, 好得意呀!

樹蔭看著人海悲歡愛恨都記載  二百年後  所有事物都種出青苔  墳墓見證花開

終於落到鰂魚涌

攰到一個點, 見櫈就坐

我地仲去埋鰂魚涌海山樓 Monster Building 

Transformer 4 在香港取景既地方, 超型呀!

呢張相令我諗起《籠》

今日真係好開心, 好舒服!  呼吸左好多清新空氣, 人都精神晒呀!

辛苦晒三位導師 ^8^