精彩的中一

小慈學校既活動真係好多元化, 無端端就俾左幾張相我睇話佢地玩班際 Drama 比賽, 又要化妝又要帶自己衫返學校, 好大陣象

唔係好知套劇做咩, 小慈飾演瘋狂 fans

呢幾位同學手持既封面非常特別.... 其實係佢地班主任明太張相, 笑死了!

估唔到操刀化妝既係男班主任陳 sir!!

又化得唔錯噃!  最後佢地攞左第二名

跟住就係第一次著校隊衫代表學校參加籃球比賽, 好興奮!  第一次未有機會出場, 在場邊打氣嗌到聲沙非常刺激, 完全係 Slam Dunk 入面既場景咁呀!

第二次球隊贏緊 10 分, 最後 16 秒, 阿 Sir 就俾小慈落場感受下比賽!  果然第一次落場係唔知自己做咩既, 左攻右定右攻左都未攪好, 唔識走位, 但我見到小慈跑得好快, 好可愛呀佢!  慢慢就會越黎越叻架喇!

之後又失驚無神話班主任帶左 D 蝌蚪返學校叫佢地領養, 小慈即刻專登係學校買多支水帶佢地返屋企!  取名蝌蝌 & 蚪蚪 :DDD

每日 4:00 pm 都烚一片生菜餵佢地, 又要養一盆散晒氯氣既水喉水俾佢地換, 錫到不得了!  希望養得大, 睇住佢變青蛙都幾得意 :D

精彩活動一浪接一浪, 星期六晚跟班主任去沙田街市「拾菜」, 趁街市收檔問菜販攞賣唔去 / 就黎爛既蔬菜

呢兩個係小慈既好朋友

 搬左成個鐘手都軟

跟住集齊分類再轉贈俾有需要既長者

收穫豐富

菜販個個都好有愛心, 蔬菜多到俾埋小慈帶返屋企!

真係好感恩小慈入到一間岩佢既中學, 班主任又超有愛心!  多謝天父呀!