第二十屆陸運會

今年弟弟單拖去陸運會, 往年次次都有小慈家姐相伴, 仲要今日我要早返工唔能夠送佢去運動場, 好在有好同學一齊上路，心情即刻好轉 ^^

估唔到今日出奇地陽光普照, 好醒目咁轉夏季校服都唔夠, 8:30 am 已經熱到要食雪條 @.@

準備跳遠比賽

坐姿最有型的一位就係我個仔了

完全唔識跳遠既小明, 姿勢唔錯冇踩線跳到 2.59 米係我心目中已經嬴左!  叻仔!

同好同學一齊跑 4x100 接力, 面對強勁對手都可以跑出個季軍, 超開心啊!!!

以為今日食白果既小明得到一個獎牌, 超開心!

即刻掛住係頸唔捨得除

好同學, 好朋友, 好隊友李卓謙!  已經約定明年再戰!

有獎牌幾時都係開心既, 以你為榮!

我地有一格櫃係放獎杯獎牌既, 小明已經急不及待將佢呢個新鮮季軍放入櫃啦 ^^

由幼稚園到而家都儲左唔少架 :D

出年係小學階段最後一年參加陸運會, 預多少少時間練習下, 繼續努力爭取獎牌!

You can do it!