除左我放大假, 今日都係弟弟運動會後假期, 秋秋又專登放假陪我, 一年一度既生日好想做下戶外活動, 行山? 沙灘? 天陰陰不如去海洋公園啦! 我生日免費入場, 海洋公園又做港人優惠買大送細, 咁我地只要買一張大人飛就可以三個人入場玩, 超抵啊! 唯一係對唔住小慈, 佢要返學冇得同我地一齊, 今晚食飯補數 ^^
搭港鐵轉 5 次車大約一個鐘就到海洋公園了! 弟弟差不多 2 年冇黎過, 爸爸仲耐到唔記得左, 所以大家心情都好興奮啦!
今日唔多人, 排隊買飛攞生日優惠仲有 coupon 送, 買大送細飛就要入閘前換, 記得帶身份證明文件
好抵, $480 / 3 個人玩! 海洋公園我地黎喇~~~
今日公園唔多人喎! 不過唔知係咪因為尋晚落過雨, 山頂纜車要 11:00 am 先開, 好多機動遊戲都暫停運作 @.@ 唔好呀, 天父! 我地難得入場玩, 可唔可以頂住唔好落雨呀! Please~~~~
等纜車開之際, 弟弟就話去探細時嚇到佢 C C 下個條鱷魚! 唔講真係唔知, 咁假又唔郁, 點解 D 小朋友會驚既呢?
跟住探樂樂, 佢咁岩出黎行個圈, 盈盈就唔見左
賴阿文今日周身痕, 起勢咁係塊木上面前前後後左左右右咁擦均全身, 超爆笑啊!!
經過澳洲冇理由唔去探袋鼠同樹熊, 樹熊得番一隻, 瞓左, 袋鼠多左隻白色, 細細隻遠睇真係同老鼠差不多
出事! 睇樹熊睇耐左, 纜車條隊就變左 30 分鐘 @.@ 冇計, 好想搭都要照排隊! 今日天陰陰有風坐纜車真係好舒服啊! 兩位猛男仲係纜車上面唱生日歌俾我聽添 ^^
老公話平時得我影人相, 今日要影我多 D 喎 ^^
冇人呀! 梗係第一時間衝去玩熱帶激流, D 哥哥仲俾我地三個人包船添, yeah!
經過多位哥哥驗屍咁驗, 弟弟岩岩好 140 cm 挑戰全公園最刺激既動感快車!!!
360 度 270 度 180 度, 真係好刺激呀!!! 落車既第一個感覺係腳步浮浮, 第二個感覺小明話即刻急尿想去廁所! 第三個感覺係好想再玩多次!! 好大膽呀呢位小朋友!
等個心臟唔好咁大負擔, 我地去探下北狐狸先! 開枝散葉, 一胎三個都係女呀!
睇真 D, 除左爸爸個鼻係黑色, 三個女都似媽媽斑點鼻啊!
玩踫踫車, 弟弟揀坐爸爸車, 好! 等我黎嘴到你地飛起先!
男士係咪真係特別鍾意車既呢?
不經不覺已經 1:00 pm, 肚餓了, 弟弟好想食冰極餐廳, 但今晚又食西餐, 簡簡單單食 D 野留肚今晚食大餐仲好啦! 小香腸炸薯條連汽水 $40 大大杯, 生日 coupon 仲有 8 折, 抵呀!
弟弟見到 bubble 係仲會衝埋去玩既, 不過已經開始不按常規咁玩如堵塞出口, 巧核突耶
今次真係見到堅驚既弟弟, 塊面白晒又嗌唔出, 仲叫人 180 度唔駛停咁耐.....
山上既時間玩得差不多, 係時候去山既另一邊玩! 行咁多路真係好攰, 有機會要坐下
原來有新遊戲全港首部 VR 過山車! 梗係去試玩啦! 不過戴 VR 眼鏡需時甚久, 平時條隊好快既越磺飛車都要排 40 分鐘, 唯有打下機消磨時間
故事大約話我坐住架礦車入左森林, 有個機械人咁既野陪住我飛, 一陣同馬騮一齊爬左上山, 行行下突然同另一架車炒左? 又突然衝左落海潛水同海龜玩, 一陣又上番水就完!?? 小明未夠 13 歲唔戴得 VR 眼鏡, 我掛住講解俾佢聽我 VR 見到 D 咩就顧唔到佢玩越礦飛車有冇事, 又望唔到佢, 話晒架過山車速度都好快下架麻, 不過佢連玩 The Flash 都冇爆喊應該冇野再嚇到佢
小慈家姐放學了, 我地都係時候搭海洋列車走啦! 路過見到海獅海象, say 個 hi 先!
我好鍾意兩父子拖晒手, 雞啄唔斷既溫馨相 ^^
行 shop 最主要係涼冷氣過冷河, 雖然而家只係春天, 但今日有 28 度架! 夏天唔知點算
幫爸爸媽媽影左張靚相 ^^
仲玩自拍跟住 edit 自己, 笑死我 :DDDDDD 小明 B 真係好得意!
終於見到小慈了!!! 第一時間送生日禮物俾我, 話係學校玩遊戲儲分, 儲左幾日先夠分換隻龍貓俾我做生日禮物, 超乖!!
其實小慈今朝已經送左隻紙飛機俾我, 弟弟又摺左個書角做生日禮物, 兩個都好乖好乖!!
小慈畫既爸爸自己同弟弟, 要佢地簽名寫祝賀詞好得意, 錫晒你地^^
今晚我地食西餐!! 食我非常鍾意既鵝肝, 牛扒, 卡邦尼意粉, yeah!
仲有 $10 一隻黎自法國既生蠔, 我地食左 4 打呀!!!
實在太太太太太好味!
梗係唔少得弟弟既至愛 prama ham 同飯後雪糕啦! 手作之店既原味咖啡同朱古力真係超好味!
小慈今日冇得去海洋公園, 約定我地全家人係佢生日時去跳彈床啊! OK!
多謝大家對我既生日祝福, 收到晒 :)
沒有留言:
張貼留言