學校又有好多好多活動, 一時出去電影欣賞, 一時放學去睇英語話劇, 一時又 High Tea 學餐桌禮儀, 遲 D 仲話去摘菜幫助弱勢社群添! 小慈參加大哥哥大姐姐計劃同埋基督徒團契又係好多野玩, 燒烤呀, 去 camp 呀, 仲有 Kinball 比賽等, 真係非常多元化, 活動多到有時會撞期要斷捨離 :D
體育老師又超欣賞小慈, 除左籃球校隊, 呢個上學期已經參加左好多校際比賽, 長跑短跑都有, 擴闊左小慈既眼光, 跑得快既真係大有人在, 一山還有一山高, 開下眼界都係好事, 最攪笑係比賽時撞番好多小學同學, 等比賽時順便聚舊 ^^
唯一唔習慣既就係聖誕假後先考試, 攪到成個假期都玩得唔放心要預時間溫書! 考試期仲要長達兩個星期, 每日返去個零鐘考一科就放學, 感覺非常輕鬆. 不過第一次考試小慈係唔識溫書的, 簡直無從入手! 好在學校有 past paper download 大概都知考咩, 反而最辛苦係科中史, 新增學科冇 past paper, 範圍又多背晒已經好勁, 點知老師出大量意見批評題, 要自由發揮, 呢個模式對於小學生答慣 short question 真係攪唔掂, 小慈考完返黎個日已經話唔識, 一條問題有幾條橫線要你答, 小慈寫完第一行已經唔知寫咩好, 果然就炒左, 後來知道全級都只係 4 個人合格!! 數學呢科小慈一直都好飄忽, 小測冇問題, 一大考炒埋一碟咁問佢就亂晒籠 @.@ 仲有科中文, 竟然衰左 reading 份卷! 真係估唔到, 平時中文係佢最好既一科黎架喎! 不過都冇所謂啦, Form 1 姐, 我都想佢自己試下跌下踫下, 搵下自己讀書既模式, 上到中學唔會再有媽媽出卷, 要靠自己上堂留心寫筆記, 自己溫習, 訓練答題技巧先至可以成為一個真正既中學生啦!
今日就係派成績表既大日子, 3 號既小慈 8:30 am 就要返去見班主任
班房門前留影
因為早到, 未見有人龍, 小慈心情異常地輕鬆
反而我抱住戰戰兢兢既心情, 好怕小慈張成績表有幾個紅色...... 依? 冇喎! 原來未達標既科目係用括號代替 (哈!) 所以小慈張成績表係靚仔既, 唔係得考試一個分數, 平時分都佔 40%, 所以拉均係合格既! 全級 121 人小慈考 40!! 中文雖然 reading 份卷炒左, 都考到全級 35! Visual Arts 最叻考全級第 10!!! 生活科技考 13, 普通話同英文都考 18!! 嘩~~~~ 完全估唔到, 爸爸媽媽真係好開心啊!!
班主任明太話小慈好乖, 上堂專心, 功課整齊企理, 所以頒左個獎俾佢 for punctuality in submitting homework and dedication to her work!! 呢張證書係中學黎講好難攞架! 小慈 well done!
小慈呢兩個班主任真係好好, 成日都送禮物請食野咁鼓勵佢地架
明太俾左張粉紅色紙我地, 係小慈寫俾我地既信, 派成績表前係學校寫既. Oh! So touching! 好多謝你呀小慈 ^8^ 你今次未係好識考試, 我非常相信你下學期及以後一定會做得更好! 我知道你得架! 努力呀!
Visual Arts 之所以考全級第十, 我估好大原因係小慈既手工藝唔錯! 無論針織品定係煮野食都似模似樣! 小慈次次煮完帶番黎既食物都極速俾弟弟掃清就知幾好味 :P
小慈仲為我作左一篇文章, 睇到媽媽好感動呢! 為左源源不絕的愛佢, 我應該唔可以剪短頭髮!?!
小慈好生性, 就算入左 camp 玩, 一有時間都會打電話返屋企報平安, 仲好醒咁識打視像電話添 :)
為小慈家姐入到一間適合佢既中學, 我地祈左兩年禱; 到今日, 我地依然祈禱小慈能夠適應中學生活, 識到好既朋友! 天父係聽禱告既, 馬崇非常適合小慈, 小慈亦讀得非常開心, 讀得好自信, 好鍾意返學, 為此我地由衷地感謝天父爸爸!!
沒有留言:
張貼留言