保育蝴蝶大使

學校興建蝴蝶園, 會種植蝴蝶喜愛既植物如檸檬葉及薄荷葉去吸引學校附近既蝴蝶去蝴蝶園產卵, 但需要有人照顧佢地, 小明話, 只有 Science 科成績好既小朋友先會獲邀成為「保育蝴蝶大使」, 佢咁講, 佢梗係有份被邀請啦, 做媽媽既一定支持, 即刻簽通告!

「保育蝴蝶大使」逢小息午息要輪流當值去照顧蝴蝶, 檢查有冇蝴蝶產卵, 有毛蟲又要度下佢有冇長大, 長左幾多 cm, 亦要幫手摌屎餵飼, 又要用風向儀偵測風速, 檢查溫度同濕度, 要填好多資料架!  遲下復活節長假期學校冇人, 亦都要帶 D 毛蟲返屋企照顧, 培養埋責任心添!

除左蝴蝶園, 學校又安排蝴蝶大使出外考察蝴蝶, 已經去左一間小學聽講座, 學識左蝴蝶鍾意食屎!!?!!  今次仲外出去獅子會自然教育中心, 真係開心到小明不得了!

今次奉旨帶電話, 因為要用智能電話 download 一個 App 去取蝴蝶資料

近距離接觸蝴蝶, 小明影得好好啊!!!  叻仔!

好肥美既毛毛蟲

結了蛹的蝴蝶

學校仲派左本香港蝴蝶圖冊俾蝴蝶大使以豐富佢地既知識, 鞏固學習

小明而家望一眼已經識得分蝴蝶既品種

難得小明可以參加多元化既學校活動, 我都好替佢開心

學校旅行時自由時間去打籃球俾老師影左相, 有幸見到弟弟打波既英姿 ^^

小明好自豪好自信自己 Science 成績好!  Keep it up 大個可以做科學家  :DDDD

5 年級要呈分更加要努力讀書, 去補習社補習在所難免

只要用心, 老師係睇得出架!  甲+ 無難度 ^^

小明努力加油!!