同學仔

不約而同地, 一有學校假期, 兩姐弟就想請同學黎我地屋企玩, 仲話 D 同學其實已經想黎好耐好耐添!  你地講左 D 咩吸引人黎呀?  佢地話, 淨係講個天台已經想黎玩, 仲有按摩椅, 又有得打機, 點會唔想黎架?!?  咁好啦, 你地大個仔大個女識招呼人, 唔會玩到嗌交就得啦!

於是弟弟先拔頭籌決定星期五一測完驗就叫同學上黎玩, 為左可以暢快地玩, 佢仲叫我同佢推遲晒 D 興趣班添

打機姿態各有特色, 打街霸嘈到拆天差 D 俾人叮噹叮噹, 叫爸爸返去鎮壓下點知玩埋一份 @.@

今日輪到小慈學校教師發展日請同學仔上黎玩, 弟弟清一式請 3 個男仔, 小慈就清一式請 3 個女仔, 好得意呀佢地!  為左多 D 時間玩, 小慈係約佢地 9:00 am 差 D 早過返學!  佢地仲專登要求食埋晏先走, 因為平時返學已經好羨慕小慈可以帶飯, 一開餐 D 同學就會圍住小慈, 「俾條麵我丫」「俾舊肉黎啦」「D 湯好正俾啖我飲啦」「嘩!  提子正呀!」.... 小慈個飯盒每日都會俾同學瓜分, 係咁叫好味, 佢地一直都好想試姐姐既手勢, 今日終於有機會, 勁讚姐姐既午餐 yummy delicious bravo 氹到姐姐開心到不得了 :DDD

女仔係斯文 D 既, 不過都鍾意打機, 本來話食完晏 1:30 pm 走, 終於係玩到 4:30 pm, 實在太開心

客要一味的款待, 學識不計較, 肯付出, 你對人好人地自然就對你好啦!