魚仔

Jimmy 斷糧!  估唔到唔夠半年佢就食晒一大樽!  真係要好好控制下 Jimmy 既食量, 肥到爆龜殼咁點算先?!!  點都要買, 於是今日益左弟弟同我出去金魚街啦~

龜糧都要行左幾條街先買到, 太早未開門我地又唔等得, 明知貴過平時都要買, 冇計!  目標達成但呢位小朋友呢檔又要睇, 個檔又要望, 仲情有獨中話蝦仔超得意

忽發奇想唔知 Jimmy 食唔食魚仔呢?  以前買過 D 紅色好細好細既蝦俾佢食但佢唔要, 魚仔唔知佢岩唔岩呢?  爸爸話一試無防, 於是買左一袋, 小明開心到不得了!  又話咁多魚 Jimmy 一次食唔晒, 不如養下佢地, 分開幾次餵 Jimmy!  OK, 咁點養呀?  我地屋企有膠兜, 但冇氧氣泵喎, 一個氣泵竟然要 $70 仲貴過包魚, 會唔會本末倒置  @.@  於是金魚檔姨姨提議我地買氧氣珠.... 咩黎架?  好似水晶寶寶咁但係釋放氧氣的!  咁神奇?  就買黎試下

如獲至寶般的兩姐弟!!

唔該留意番..... 呢包其實係龜糧黎架, 唔好投入太多感情.....

咩都唔理, 整左個靚魚缸添!

一粒粒既就係氧氣珠, 但唔覺有氧氣出既....?

真係唔 work 呀!  同魚仔相對左一晚佢地開始缺氧上晒水面吸氣, 第二朝就冇左一大半先有得益下 Jimmy 咋, 如果 D 魚仔養到佢地應該係唔打算俾 Jimmy 既, 連魚糧都買埋.....

仲以為 Jimmy 食左魚仔會飽幾日, 點知第二日又要求我地餵龜糧了......