山竹執樹葉

山竹過後滿目瘡痍, 睇到醫貓話有團體組織星期六上午去沙灘執垃圾, 小慈家姐要返學校參加日營, 小明有時間喎, 我一問佢想唔想幫手?  小明諗都唔諗就話去!  好辛苦架喎, 唔係玩架喎!  小明知, 好肯定要參加, 希望盡一點綿力讓一切慢慢回復原狀, 小慈家姐竟然羨慕弟弟有得去.... 真係, 我兩個仔女都好乖好乖, 好肯付出, 好肯服侍!  感謝天父爸爸我地有能力去幫助別人!

難得返黎學校, 時間又早, 先甜後苦, 就帶弟弟去公司參觀下先啦, 成日都話想黎睇架喇佢 ^^

最鍾意睇模型

扮我 :D

發現電動刨筆機

對電動打字機簡直愛不釋手, 玩到唔想走

係時候起程去沙灘架喇

周圍同弟弟影下靚相先

母與子, 好襯我地喎 :DDD

呢條香柏樹路俾山竹催殘完都力保不失

弟弟最鍾意既天一泉, 今日跑左兩個圈都冇濕, 終於識控制自己唔跳入水

搵左一輪先搵到集合地點

呢個金魚池竟然仲係度, 曾經帶過小慈昊昊黎餵魚仔, 弟弟就第一次黎呢度

集合了!  今日大家都好踴躍, 學生職員計埋有 90 人呢!

呢位小朋友努力聽安全守則, 戴帽戴手套帶毛巾飲水塗防曬要防蚊, 因為地方空曠太陽猛烈, 曬 30 分鐘都會暈, 一定要量力而為

有鑒於人多, 大會安排小朋友去大草地執樹葉安全 D, 沙灘其實係石灘, 又冇正式既路入去真係有 D 危險性, 冇問題!  幫到手就 ok, 咩崗位都得架我地!  分派完手套就可以出發架喇 ~

話咁快就到大草地, 同媽媽影張合照先

我地要將樹葉塞滿呢個大膠袋!!

開工!!  成個草地都係枯葉, 會令小草曬唔到太陽而死, 等我地清除晒佢啦!

徒手執唔夠快, 後來問豬八戒借左個耙耙, 嘩~  效果顯著!

弟弟好有成功感

耙滿一袋喇!  頭毛髻仔都濕晒, 弟弟好落力!

靚番好多喇塊草地

集眾人之成果, 今日執左 25 袋樹葉, 會拎去特別處理做肥料的

攰到一個點.....

辛苦過後食既野特別好味!  極速食完個 6 寸包仲要食埋我個份, 未見過弟弟餓得咁緊要!

睇黎要執多幾次樹葉等弟弟開下胃, 食多 D 又強壯 D!

後記:

今次山竹對科大造成前所未有既破壞, 但科大人上下一心, 積極為學校回復舊觀, 為左記念, 學校做左個展版將呢個特別既過程記錄低, 我同弟弟都有份呢!

史校長訴心聲

我同弟弟呀 ^^

希望唔好再有山竹二號