香港人最叻就係苦中作樂, 網上流出大量防風措施, 真係笑爆嘴!
食牛肉的正確方法.... 呀唔係, 貼膠帶既正確方法至真! 貼左係防止爆玻璃時唔會碎到一地都係咋, 唔係保證隻窗唔爆架 @.@
中銀都做左防風措施 :DDDD
一位工人姐姐好聽 Mum 咁 make a cross onto the window...... 我相信佢一定係虔誠既基督徒 :DDD
我第一次見教會貼米字咋
究竟山竹有幾勁? 最高風力達每小時 250 公里, 佢係超強颱風黎架!!
用貓貓黎解釋會唔會清楚明白好多?! Cat = Category
我都買左 D 罐頭放係屋企, 老公話天台除左洗衣機同椅子, 全部野都會吹走, 於是我地將天台既花放番入屋, 弟弟叫呢條做「花花樓梯」
瞓到半夜電話 Apps 閃過不停, 零晨已經 8 號風球, 7:40 am 掛 9 號, 9:40 am 掛 10 號!!
星期日打風冇得返教會, 全家坐晒梳化睇風暴消息, 唔駛睇都知個風真係好勁, 我地全屋既燈閃左好多次, D 玻璃窗係震既, 風聲雨聲不絕於耳, 屋前面既樹林左右搖擺, 幅度未試過咁大, 果然吹左 10 個鐘 D 樹枝斷晒啦! 好多動物仲冇地方呢埋添.....
第一次咁想快 D 落風球, 好想個風快 D 登陸消散, 山竹快 D 走啦...... 等到下午, 風雨突然停左, 上天台視察下, 除左斷晒屋前既樹枝, 冇受傷冇損毀! 小慈小明今朝仲驚到縮埋一二角, 不停話好恐怖, 而家就識扮野啦!
冇左好多樹, 景觀都唔同晒
由於山竹破壞嚴重及廣泛, 教育局宣佈星期一所有學校停課, 我地大學校長都好型咁宣佈學生及教職員無須回校!
不過都真係返唔到, 學校附近所有路都 block 晒
一地玻璃! 依然有同事們謹守崗位, 衷心多謝你地!!
弟弟間學校都攪成咁....
我是僥倖的一位, 但全港大部分打工仔都好慘! 冇巴士、港鐵有限度服務, 於是攪到萬人逼爆車站既畫面 @.@
香港人真係好正! 一睇就笑, 但笑完其實好無奈......
鬧爆停課不停工
就算返到公司都只係會見到咁既畫面......
迪迪尼攪成咁....
人地話, 男人都係唔可信架喎.....
無論如何, 人冇事就好了.....
沒有留言:
張貼留言