開學喇! 兩個都算乖一叫就起身, 不過就見佢地有 D 精神緊張, 小慈我就明, 要返一間新學校緊張係正常既, 反而弟弟話怕自己帶漏野又欠交, 書包都 check 左多次, 終於都安定晒可以出門口喇!!
返唔同既學校梗係乘搭不同交通工具啦, 弟弟依然搭小巴, 小慈就可以揀搭巴士同小巴, 巴士班次穩陣但慢, 小巴快但一客滿就飛站好唔可靠, 點都好, 兩個依然可以一齊出門口返學 ^^
唔同地方, 我只可以揀送佢地其中一個到學校門口, 小慈升 Form 1, 新學校我梗係送佢啦, 於是小明唔開心, 雖然理性上佢知點解我會咁做, 但情感上都係唔 happy 啦! 好在遇到同班好朋友一齊搭車, 寂寞既感覺即刻掃走晒 :D
呢幅相好奇妙, 成家都望緊鏡頭架!
好多朋友都話青春期時, 寶貝們會突然彈開同你隔幾丈遠, 唔俾攬唔俾拖唔俾錫, 更加唔會俾你出現係佢班 friend 面前, 學校前一條街就好放低佢自己返學, 阿爸阿媽等同老土、煩氣云云...... 所以, 我更加珍惜而家仲可以送小慈到學校門口, 攬攬錫錫佢既時間啦!!
第二日就攪成咁...... 明明成功叫左佢地起身出廳食早餐, 轉個頭兩個一齊瞓番......
悠長假期後遺症之日日問幾時先有假期..... 未有啦, 於是俾 D 好野佢地氹下佢地開心先!
咁大包薯片, 我拎住係街都已經引來大量羨慕既目光, 返到屋企小慈小明一見到, 當然係開心到癲左啦 :DDDDDD
返左一日小慈已經有上課時間表, 頭一個星期放 3:00 pm, 之後日日 3:40 pm, 同小學一樣都係行 cycle 制, 完全冇問題, 只係多左幾個新學科, 小慈非常期待上家政堂
弟弟五年班, 史無前例最少體育堂, 得孖堂咋!
小慈家姐因為中一、中二一定要留校食飯, 於是懇切要求帶飯, 小明當然冇執輸啦, 唯有辛苦姐姐 6:00 am 就開爐煮飯了! 你睇小明幾開心 :)
一袋二袋咁返學, 唔好漏野呀!
小明的五年級班主任 馬老師
Native English Teacher, 簡稱 NET Teacher
五年級要呈分不敢怠慢, 有殺錯冇放過同小明報晒中英數補習, 做完功課仲要做補習班功課, 有時都會做到 10:00 pm, 小明加油呀!
開學一星期就要默書, 好在小慈話好淺, 唔駛溫都滿分 ^^
呢幅圖真係超正! 冇錯, 中學時真係科科合格已經好叻 :)
今年亞運會, 香港取得 8金 18銀 20銅共46面獎牌破晒紀錄, 呢位係張敬樂, 新亞洲車神! 今屆亞運取得金牌 (場地單車男子麥迪遜) 及 銀牌 (場地單車男子團體追逐賽), 原來佢係舊生, 今日攞晒 D 獎牌番學校同師弟師妹合照, 小慈竟然會去排隊同張師兄影相, 與有榮焉, 好叻呀!
張師兄仲送紀念品同親筆簽名紙俾小慈! 超 high~~
Enjoy your School life ^^
沒有留言:
張貼留言