6 級章別考試

黎喇, 黎喇!  又黎升 level 喇!  半年一次既章別考試 ^^

今次試下考初級南拳同埋報左 6-7 級章別試, 不過小明冇信心, 表現倒退, 招式記黎記去都記唔到, 錯既地方仍然係錯, 即場搵師兄幫手都係教而不善, 師兄坦言小明今次考南拳應該唔合格  :(

結果真係唔合格, 一大個交叉, 嚴重打擊小明既自信!  學左成年既南拳因為耍漏左幾招於是肥佬......  我覺得係一件好事, 俾小明知道好多事情係冇得蒙混過關, 差少少就係差少少, 想要幾多收獲就要付出幾多努力, 教而不善, 唔聽人指點係有後果既!

痛定思痛, 衰左初級南拳, 夜晚考 6-7 級小明都冇咩信心, 但小明好努力, 唔會因為之前衰左就逃避, 當然我地亦都唔會俾佢咁做!  佢今次識得主動講要早 D 到會場搵師兄教佢, 認真左!

不過動作真係難, 6 級要考後掃腿、大躍步前穿、輪臂拍打, 7 級要考騰起飛腿、旋風腿、騰空外擺蓮、旋子預備動作

小明好怕 6 級唔合格就即刻俾人趕出場, 真係呀!  同組有個女仔, 每個動作都俾考官要佢做 2 次, 真係考完 6 級動作就請佢出場唔駛再考 7 級, 個女仔轉身就喊住跑出去喇  @.@  小明話當時佢都好緊張, 佢話考官手指指指人出去唔知佢想指邊個, 佢就係咁避開佢個手指頭等考官指唔到冇得趕佢出去喎, 笑死我  :D

終於, 小明 6 級合格, 7 級唔得下次要再補考啦!  對得住師傅~~~

3 戰 1 勝, 小明開心得好緊要因為佢好怕今日全軍覆沒就要爆喊退出武術界!!  而家終於考到個 6 級章, 興奮到周圍講俾人知, 極力分享佢辛苦得來的獎勵!

123456

學武術的好處:

外養
強化體魄：強化腦部及身體素質，增強身體平衡力、速度、爆發力、彈跳力；
強化身體各部份協調：增強身體之協調性及柔韌度，令反應靈活敏捷；
強化體質：增強免疫力、耐力及專注力。

內修
建立武德：培養尊師重道、講禮守信、負責任及守紀律之道；
磨練意志：成就勇敢、自信、堅毅勤奮、進取、自律的良好品格；
強化自理能力：提升適應及抗逆能力、增進學習、思考及與人相處的良好習慣。

小明仔, 努力認真 d 啦!!