我淨係食得落一碗齋米粉 v_v
每個大人都有一杯 coffee or tea, 我話我想 mixed tea with milk, 佢就俾左杯咁既野我, 不過都幾好味
鍾意咁樣食太陽蛋既郭小明
當我地在沙巴享受緊大太陽著緊 T-shirt 短褲時, 香港今朝竟然出現寒冷天氣警告!!
先到一個小市集買手信
仲可以去街市買生果
我地身後就係沙巴好出名既神山, size 大過一個新加坡, 搭車上去都要成個鐘頭
成個山頭都係蒲公英, 兩個玩到超開心吹到一面都係
呢條行山徑每年都會舉行比賽, 鬥快上神山
留心聽 Samantha 講解
好多特別既植物呀
好靚既蜻蜓
蛇都見到一條!!!
要空氣非常乾淨既地方先會見到青苔, 摸上去好似膠花咁, 好得意
Rafflesia 俗稱「屍花」, 聞起來就似正在腐化的屍肉的味道, 黃褐色的花朵會吸引昆蟲前來傳播花粉, 這種在東南亞叢林生長的花朵, 會寄生在熱帶葡萄樹上, 吸取樹中的營養, 因此無需進行光合作用
全球最大的花朵, 直徑長達一米重量達七公斤, 成班小朋友坐晒上去都綽綽有餘 ^^
真身
樹葉好得意, 好似好多蟲仔係樹枝上咁
空氣非常清新
小慈既傑作
成個山得我地咋
行一陣就上車出發去第二個景點, 小朋友們展示自己買既戰利品, 不約而同都係買沙巴 I Love You 海龜仔
我地黎到一個溫泉區
但係 32 度我地點會浸溫泉先, 咪傻啦
城市人對森林既興趣大因為少機會見到麻, 你睇我地身後棵樹高到見唔到頂, 香港邊度見到丫
徒步上山 45 分鐘, 山路難走, 不過沿路見到螞蟻蟲仔大戰, 蟲仔不敵大量螞蟻而陣亡, 兩位細佬睇到唔捨得走
咁辛苦爬上山, 因為我地準備行吊橋 ^^
唔係行一條, 總共要行 4 條咁多, 咁辛苦都值得
森林入面行吊橋真係別有一番風味, 大家唔好望下面呀!
完成創舉
放飯, 勁肚餓!!
超大個椰青, 不過唔好味, 非常淡
本來仲有一站去牧牛場, 不過牛場收 5:00 pm, 我地車程去到都 4:45 pm 於是放棄行程返酒店休息, 多謝 Samantha 呢幾日既招待, 後會有期~
之後, 小朋友參加酒店安排既復活節 Party
大人就非常 free 去酒店既意大利餐廳嘆紅酒
可憐既我返左酒店房休息, 全日總共瀉左 6 次, 食住止屙藥都瀉勁得人驚, 又腳軟又發冷, 全日食左好少野, 晚餐係一個蘋果, 輕左 2 磅, 不幸之中的安慰....
沒有留言:
張貼留言