今次旅程有好多第一次, 第一次一放學放低書包就飛的去機場, 小慈小明 high 爆既感覺不言而喻! 又第一次去旅行全家都病晒, 但感恩仍然齊齊整整返到香港! 今次係我第三次去沙巴, 第一次同老公去玩大人好激既野, 唔好心邪, 係玩激流, 船家請我地落水游下, 但因為落大雨令原先係 4 級既河道變左 5 級, 仲有湧流, 差 D 上唔番隻船沖走左 @.@ 第二次去沙巴係同 3 歲既小慈去玩小朋友野, 但而家問番佢咩印象都冇! 今次去既地方完全未去過, 拖男帶女 7 個家庭 28 人, 我地又會做 D 咩呢? 一齊出發啦!!
訂平機票搭夜機, 行李有重量限制, 我地買左 50 kg 兩件原來只有 39, 蝕左! 去到機場第一時間將行李寄倉, 順便磅埋小慈小明, 真係身輕如燕, 養左十年都係得 23 kg, 重過一件行李少少....
揹住個背包就上機, 成個背包都係佢地自己心愛既枕頭被被, 遺失自誤
行到邊都玩行李車
好朋友終於踫頭了! 我地今次仲有特別設計營帽添架!
慶祝 10 歲的小朋友, Buddy Puppy ^^
食飽飽未呀? 因為搭平機, 機上所有野都要自費, 唔飽上機再買野食
準備登機
亞庇, 我地黎喇~~~~~~~~~
High 爆的小慈小明
細機仔, 三座位, 機上冇電視, 小慈小明有點點失望, 不過我地有 iPad 同電話, 效果一樣啦!
上機大約一個鐘頭, 小慈係咁同我講好熱, 都未到沙巴冇理由咁快叫熱架? 摸下佢原來發高燒! Oh my God! 所有藥都 pack 在行李冇跟身, 飛機上連 ice pad 都冇, 冰又得番少少, 於是在緊絀既資源下咁樣同小慈退燒! 小慈係咁喊, 好怕自己發燒冇得出境原機返香港, 唯有祈禱啦, 神必看顧既! 後來因為空中小姐不停穿梭我地個位, 攪到好多乘客都知小慈發燒, 有人俾左盒必理痛我, 好感激! 小慈又識吞藥丸, 食完瞓一陣, 隔左個零鐘落機前冇咁高燒了!
小慈手執個罐 100C 係空姐推介小慈飲既, 類似寶礦力, 倒開一半溝暖水, 飲完好快退燒, 另外一半要佢揸住, 4 個鐘後即凌晨 2 點食藥再飲
感恩我地係夜機, 落機都已經凌晨 12:00 Health Centre 一早關閉冇人探體溫, 小慈開心到不得了!! 感謝天父!!
意志戰勝病魔, 成班小朋友等過關時嘈到拆天, 咩病都唔記得啦!
攪笑既小明話佢係一件行李坐左係輸送帶上叫我攞佢走
已經係凌晨 1:00, 從未試過咁夜瞓, 興奮過後小慈攰了
拿拿聲上房
係咁依 yeah 完即刻換睡衣瞓覺, 聽朝仲要早起呀!
沙巴, 等我地呀! 瞓醒先同你玩 ^^
沒有留言:
張貼留言